Rza Zərrabın Nyu-Yorkda lüks həyat yaşadığı ortaya çıxdı – FOTO
- Tarix: 21-sen-2018, 12:21 - Bölmə: Gündəm / Manşet - Baxış sayı: 681
BŞ-ın İrana qarşı sanksiyalarını pozmaq ittihamı ilə 2016-cı ilin martında həbs olunan, daha sonra məhkəmədə şahid qismində ifadə verən Rza Zərrabın Nyu-Yorkda lüks həyat keçirdiyi ortaya çıxıb.

Shafaqadogru.com Sfera.az-a isdinadən 
xəbər verir ki, Zərrab  bu dəfə keçən həftə fotosu çəkildiyi "Nobu” restoranının düz qarşısındakı "Four Seasons Downtown” otelinin qarşısında görüntülənib. Oteldə başqa adla qeydiyyatdan keçən Zərrabın fotosu şəxsi sürücüsü olan, "Cadillac Escalade” markalı avtomobilin yanında çəkilib.

Türkiyənin "Hürriyyət” qəzetinin müxbirini görən milyarder qaçaraq otelə girib. Zərrabın yanında FTX agenti və cangüdən də olub.

Avtomobili qaraja salan sürücü iki saat sonra əşyaları baqaja yükləyərək maşını işə salıb. Qapıda duran vəzifəli şəxs "Səfər böyük ehtimala Hemptonsa” (Nyu-Yorkdan 2 saat məsafədə varlıların qaldığı yaylaq) deyib.

Xatırladaq ki, Rza Zərrab az cəza almaq üçün prokurorluqda razılığa getmiş və şahid statusunda ifadə vermişdi. Həbsxanada olduğu deyilən azərbaycanlı milyarder bir müddət əvvəl Nyu-Yorkdakı restoranda yemək yeyərkən kameralara tuş gəlmişdi. Nyu-York Cənub rayonu Federal Baş Prokurorluğunun mətbuat üzrə nümayəndəsi "Bu məsələ ilə bağlı təsdiq və ya şərh verməyəcəyik” demişdi.

Rəsul
Sfera.az