Hindistan müğənnisi erməni işğalındakı torpağımızda klip çəkdirdi

Tanınmış hesab edilən Hindistan müğənnisi Tare Bare Azərbaycanın işğal altındakı Xankəndi şəhərində klip çəkdirib. 

Shafaqadogru.com  xəbər verir ki, bu haqda xəbəri separatçı saytlar  Bako Saakyanın "mətbuat katibi” sayılan David Babayan ad-soyadlı adamabənzər məxluqun "Facebook” səhifəsinə istinadla yayıb. Separatçı  məmur şərhinin sonunda yazıb: "Yaşasın erməni-hind, Artsax-Hindistan dostluğu!”..


Azərbaycanın dövlət sərhədini qanunsuz şəkildə pozan hind müğənni bu klipi Karan Radhavan adlı hind xanımla çəkdirib.  Əslində Tere Bare o qədər tanınmış müğənni olmasa da, martın 13-də "You Tube”də  paylaşılmış  videoya  artıq 3 milyona yaxın baxış var.

P.S. Bizimsə gücümüz yalnız Bakıda Azərbaycanın(!) xanım müğənnilərinin, modellərinin yarımçılpaq foto və video-görüntülərinin çəkilişinə maya buraxaraq baxıb ləzzət almağa çatır...