Türkiyə Prezidenti Rəcəb Tayyib Ərdoğan Rusiya ilə bağlı açıqlamalar verib.
Shafqadogru.com xəbər verir ki, ölkə başçısı sanksiya mövzusunda BMT-nin müəyyən xəttinə Türkiyənin qoşula biləcəyini, amma bütün bu addımları atarkən Rusiya ilə olan münasibətləri bir kənara qoymağın mümkün olmadığını deyib."Təkcə təbii qazın təqribən yarısını Rusiyadan alırıq. Bu məsələdəki həssaslığımızı qorumalıyıq. Mən xalqımı qarda-qışda soyuqda qoya bilmərəm. Sənayemizi tamamilə sıfırlaya da bilmərəm. Bunları qorumalıyıq. Biz 85 milyonluq əhalisi olan dövlətik. Üzərimizə düşən hər vəzifəni edəcəyik, edirik. Hazırda bölgəyə ukraynalılar üçün 56 humanitar yardım daşıyan yük maşını göndərmişik", - deyə Ərdoğan vurğulayıb.
