Şəfəqə Doğru » Gündəm » Rusiyalı politoloq Qarabağa görə İranı 7 yerə parçalamağı təklif etdi

Rusiyalı politoloq Qarabağa görə İranı 7 yerə parçalamağı təklif etdi

Rusiyalı politoloq Qarabağa görə İranı 7 yerə parçalamağı təklif etdi
Dağlıq Qarabağ münaqişəsi "dondurulmunş” olaraq qalmalıdır. 

Shafaqadogru.com erməni KİV-nə istinadən xəbər verir ki, bunu "Lazarev klubu”nun İrəvanda keçirilən iclasında çıxış edən rusiyalı politoloq Stanislav Tarasov deyib.
Rusiyanın Ermənistanın təhlükəsizliyinin qarantı olduğunu və bu mənada, İrəvan-Moskva münasibətlərinin daha da möhkəmləndirilməsinin vacibliyini vurğulayan Tarasov çıxışında regiondakı vəziyyətə və təhlükəsizlik problemlərinə xüsusi diqqət çəkib. 

Olduqca "orijinal” və bir o qədər də absurd fikir səsləndirən Tarasov hesab edir ki, regional sabitliyin bərqərar olması Qarabağ münaqişəsinin həllindən daha çox İrandan asılıdır. İran məsələsinin böyük narahatlıq doğurduğunu deyən rusiyalı politoloqun fikrincə, hətta münaqişənin "həlli” və regionda vəziyyətin normallaşması İranın 7 hissəyə parçalanaraq onlardan birinin "Azərbaycan” adlandırılması yolu ilə mümkün ola bilər. 

"Bu cür variant Azərbaycan və Qarabağa toxunmaya bilməz”, - deyə Tarasov vurğulayıb.