Milli Məclisin bu gün keçirilən iclasında “Yaşayış minimumu haqqında” qanuna təklif olunan dəyişikliyin müzakirəsi zamanı parlamentin Müdafiə, təhlükəsizlik və korrupsiya ilə mübarizə komitəsinin sədr müavini Qüdrət Həsənquliyev həkimlərin pasiyentlərinə qiyməti baha olan meyvələr yeməyi tövsiyyə etmələrindən danışıb.
Deputat bildirib ki, bəzi hallarda xəstələrin özünə gücləndirilmiş qida rasionu, o cümlədən qida əlavələri verilməlidir: “Azərbaycanda minimum istehlak səbətinə qida əlavələri daxil deyil. Ona görə də həm xəstələr üçün, həm də təhsil və sosial müəssisələrdə qida əlavələri də verilməlidir. Onlar çox yeməməlidir, güclü qidalanmalıdır. Bu siyahıya Silahlı Qüvvələr və azadlıqdan məhrumetmə yerlərində cəzaçəkən şəxsləri də əlavə edək. Çünki onlar da dövlət tərəfindən qidalandırılır”.
Deputat qeyd edib ki, bir çox xəstələrə həkimlər bahalı meyvələr təklif edir: “Məsələn avokado. Bahalıdır və istehlak səbətinə daxil deyil”.
apa.az
