Sağlam həyat tərzinin möcüzəvi detoks düsturu kimi təqdim edilən acqarına limonlu su içmək vərdişinin gizli təhlükələri ortaya çıxıb. Piy yandırmaq və immun sistemini gücləndirmək məqsədilə hər səhər bu qarışığı qəbul edənlərdə gastroenteroloqlar və stomatoloqlar ciddi fəsadlar aşkar ediblər.
Gecə boyu davam edən aclıqdan sonra boş mədəyə konsentratlaşdırılmış sitrik turşunun daxil olması mədənin turşu balansını alt-üst edir.
Mədə divarının yanması: Limon turşusu gastrit, gizli reflü və ya xora problemi olan şəxslərdə mədə divarını qoruyan selikli təbəqəni nazikləşdirərək yandırır. Səhərlər sinədə göynəmə, qida borusunda qıqırma və qarın spazmlarının əsas səbəbi bu vərdişdir.
Diş minasını hiss olunmadan əridir
Kimyəvi yumşalma: Yüksək turşuluğa malik bu içki dişin qoruyucu emal təbəqəsini təmas etdiyi anda yumşaldır. Zamanla diş minası incəlir, diş uclarında şəffaflaşma, saralma və isti-soyuq qidalara qarşı kəskin həssaslıq yaranır.
Ən böyük səhv: Limonlu su içdikdən dərhal sonra dişləri fırçalamaq böyük fəsad törədir. Turşu ilə yumşalan diş səthi fırça zərbələri ilə tamamilə soyulur və bərpası mümkün olmayan mina itkisinə səbəb olur.
Səhərlər acqarına tünd limon suyu içmək olmaz. Bir stəkan ilıq suya yalnız bir neçə damcı limon sıxılmalıdır.
Diş minasını qorumaq üçün maye dişlərə dəymədən birbaşa boğaza ötürülməlidir.
İçdikdən sonra ağzı bolluca sadə su ilə yaxalamaq lazımdır.
Limonlu sudan sonra dişləri ən azı 30 dəqiqə fırçalamaq olmaz//milli.az
