Sahil Babayev keçmiş naziri hədəfə gətirir - 50 milyon manata yaxın yeyinti...
- Tarix: 12-sen-2018, 14:25 - Bölmə: Gündəm / Manşet - Baxış sayı: 767
Bir müddət əvvəl Əmək və Əhalinin Sosial Müdafiəsi nazirliyinin maliyyə xərclənmələrinin daxili təftişi ilə bağlı göstəriş verən hazırki nazir Sahil Babayev ilginc faktlar əldə edib. Bu barədə DİA.AZ-a nazirlikdəki qaynaqlardan informasiya daxil olub.

Xəbəri verən mənbə dia.az-a açıqlamasında iddia edir ki, söhbət milyonlarla dövlət vəsaitinin keçmiş nazir Səlim Müslümovun dövründə mənimsənilməsindən gedir.

Mənbənin söylədikləri:

"Təbii ki, araşdırmalar ciddi faktları üzə çıxardığından Sahil Babayev bu barədə müvafiq dövlət qurumlarını məlumatlandırmaq zorunda qalıb. Bu isə o deməkdir ki, Sahil Babayev Səlim Müslümovla bağlı faktları hüquqi araşdırmaya təqdim edib".

Mənbə onu da əlavə edib ki, yaxın vaxtlarda bu barədə rəsmi məlumatlar ictimailəşəcək: "Təxminən 47 milyon manata yaxın pul ortada yoxa çıxıb. Bu, aydınlaşdırılmalıdır".

Daha geniş materialımız olacaq. Bizi izləyin. Bütün maraqlı tərəfləri dinləməyə hazırıq.

Oxşar xəbərlər