Şəfəqə Doğru » Gündəm » “Türmə də vətəndir, oğlum, vətəni sev!” - Kəramətin atası oğluna müraciət etdi

“Türmə də vətəndir, oğlum, vətəni sev!” - Kəramətin atası oğluna müraciət etdi

“Türmə də vətəndir, oğlum, vətəni sev!” - Kəramətin atası oğluna müraciət etdi
"Nə deyim... Oğlum, sənin üçün hər şey etdim. Amma qoruya bilmədim. Axırıncı zəngində mənə dedin ki, ata, ölümümü yüngül qarşıla. Buna hansı ata dözər? Sonra həbs olundun”.

Shafaqadogru.com  məlumatına görə, bu fikirləri dünən saxlanılan gənc yazar Kəramət Böyükçölün atası, şair-publisist Qəşəm Nəcəfzadə oğluna qısa müraciətində deyib.


"Sağlamlığın və təhlükəsizliyin üçün bəlkə də, bunda da bir xeyir var. Türmə də vətəndir, oğlum, vətəni sev. Yolun açıq olsun!”,-deyə Q.Nəcəfzadə bildirib.


Daxili İşlər Nazirliyinin məlumatına görə, Kəramət Böyükçöl qonşularının və kirayədə qaldığı evin sahibinin şikayətləri əsasında saxlanılıb.

"Həmçinin Kəramət Böyükçölün saxlanılması həm də onun şəxsi təhlükəsizliyinin və sağlamlığının qorunması məqsədi daşıyır. Belə ki, son günlər Kəramət Böyükçölün sosial şəbəkələrdə sərxoş vəziyyətdə özünü aparması izləyiciləri və yaxın ətrafında onun sonda intihar edəcəyi fikri yaradıb. Sosial şəbəkələrdə bununla bağlı şərhlərə də rast gəlmək mümkündür. Dostları və izləyiciləri onun intihar edəcəyi ilə bağlı həyəcan təbili çalırdı. Ona kömək edilməsi ilə bağlı çağırışlar edilirdi. Bu baxımdan Kəramət Böyükçölün saxlanılmasının səbəbi, haqqında olunan şikayətlərdən başqa, həm də onun şəxsi təhlükəsizliyinin və sağlamlığının qorunması məqsədi daşıyır", - DİN-in məlumatında bildirilib.