“Kreml Ermənistanla Azərbaycanın danışıqlara başlamasına mane olur” – Şuşa bu səbəbdən atəşə tutulur?
- Tarix: 15-iyul-2021, 14:59 - Bölmə: Gündəm / Manşet - Baxış sayı: 21
"Ermənistandakı seçkilərdən sonra bu ölkənin Azərbaycanla danışıqlara başlaması gözlənilirdi. Rusiya məhz bunun qarşısını almaq üçün Qarabağda erməni təxribatlarına rəvac verir”.

Shafaqadogru.com  bildirir ki, bunu politoloq Məhəmməd Əsədullazadə iyulun 15-i ordumuzun Şuşa ətrafındakı mövqelərinin atəşə tutulmasından danışarkən deyib.
Politoloq hesab edir ki, baş verənlər Kremldən idarə olunur:

"Regionda sülhün və təhlükəsizliyin əldə edilməsi, Zəngəzur dəhlizinin açılması, Ermənistanla Azərbaycan arasında sülhün əldə edilməsi Qərbin regionda təsirinin artmasına gətirib çıxaracaq. Ona görə də Rusiya bunun qarşısını almaq üçün istənilən varianta əl atacaq. Hətta sərhəddə erməni silahlılarının Azərbaycana hücumunu təşkil edəcək. Qarabağdakı erməni silahlılarının postlarımıza hücumunu təhrik edəcək.
 
 
Baş verənlər Ermənistanda vəziyyəti daha da çətinləşdirəcək. Paşinyan seçkidə söz verdiyi kimi sülh və iqtisadi ikişafı təmin edə bilməyəcək. Bu da xalqda ciddi narazılıq doğuracaq. Nəticədə Qarabağ klanı və Köçəryan Rusiyanın dəstəyi ilə hərəkətə keçəcək. Rusiya bununla Paşinyanın mövqelərini sarsıtmağa çalışır”.

M.Əsədullazadə qeyd edib ki, Rusiyanın əsas planı post-münqaişə dövründə sülhün və təhlükəsizliyin əldə edilməsinə mane olmaqdır:

"Azərbaycana qarşı Rusiyanın təzyiqləri müsbət nəticə verməyəcək. Rusiyanın mövqeləri daha da zəifləyəcək. Azərbaycan Türkiyə ilə birgə regionda daha da güclənəcək. Qarabağda erməni silahlı birləşmələri zərərsizləşdirilməlidir. Prezident İlham Əliyev baş verənləri sükutla qarşılamayacaq. Yaxın vaxtlarda Rusiya və erməniləri təşvişə salacaq yeni bir planın şahidi ola bilərik”.
 
 
Günay Rəsulqızı

Oxşar xəbərlər