Xəstəxana ona  görə yoxdur ki,3-4 il bundan öncə Səhiyyə naziri  kəndlərdəki xəsdəxanaların ləğv edilib ,ixtisarlar aparılıb ,məntəqə kimi fəaliyyət göstərməsinə sərancam verib.Amma bilmirəm cənab nazir O.Şirəliyevin nəzərinə çatdırılmayıbmi ki,Qazax rayonunun Daş Salahlı kəndinin düz on min sakini və beş min üç yüz civarında seçicisi, üzdən iraq Ermənistanla 7-8 km-lik  məsafədə  sərhəddə yerləşir. Hələ onu demirəm ki, Akord sement zavod ,Gil kombinatı ,Gilan Holdinq ,Ata Holdinq ,onlarla daş karxanaları  və digər  sənaye müəsisələri  o kəndin yaxın ətrafında fəaliyyət göstərir. Yaxın keçmiş yəni,  4-5 ay öncə Azərbaycan KİV-də ölkəmizdə üç böyük kəndə ,o cümlədən Daş Salahlı  kəndinə şəhər statusu verilməsi  barədə Azərbaycan Elmlər Akademiyası  tərəfindən layihə təqdim olunub.Cənab nazirin nəzərinə qəzetimiz vasitəsi ilə onu da çatdırmaq istəyirəm ki,Daş Salahlı kəndinə bir xəstəxana bəs eləmədiyi  halda həmin kənddə bu gün məntəqə də  xoşa gəlməz vəziyyətdədir.

   Qeyd edim ki,2015-ci il dekabr ayının ortalarında Daş Salahlı kəndində Yaponiya səfirliyinin təşəbbüsü və maliyə yardımı ilə inşa etdirdiyi məntəqənin açılışı oldu.Açılış Yaponiyanın ölkəmizdəki səfiri və RİH-nin başçısı başda olmaqla rayon və Daş Salahlı kənd içtimayyətinin iştirakı ilə gerçəkləşdi.Artıq dördüncü aydır ki,tibb məntəqəsinin işçiləri köhnə xəstəxanadan təzə tikilmiş tibb məntəqəsinə  köçmək hazırlığında və  əhvalı ruhiyyəsindədir.Amma hələ də köçə bilmirlər.Sən demə məntəqəyə birləşdirilmiş qaz və su xəttləri gözdən pərdə asmaq üçün müvvəqəti  plastik borularla birləşdirilibmiş. Baxın xarici ölkənin tikdirdiyi içində doğum çarpayısından tutmuş bütün ləvazimatları yerləşdirildiyi  məntəqənin öz ölkəmizdə rayonun səhiyyə şöbə müdiri Arzu Novruzovun dediyinə görə ,adiyyatı təşkilatlar tərəfindən texniki şərtlər verilmir. Çünki ,həmin təşkilatlara (yəni başda FHN olmaqla qaz,elektirik və s)rüşvət verilməlidir ki,o da heç  kimin maraq dairəsində deyil.Beləcə də biçarə məntəqə hələ fəaliyyət göstərmək iktidarında deyil .

   Səhiyyə şöbəsinin müdiri  isə, yaxın gələcəkdə  hər şey qaydasına düşəcək deyir. Yaxın gələcək isə ,bitəcək kimi görünmür.Mən isə deyirəm "heyf yaponların zənninə və çəkdiyi xərcə ".Yaponlar bilsəydi  heç pullarını havaya sovurmazdı.Daş Salahlı kənd cammatı isə nəinki məntəqənin işə düşəcəyini hətta,əvvəlki xəstəxananın əsaslı təmir olunub tezliklə xəsdəxana kimi fəaliyyət göstərəciyinə  ümid edir. Arzuları  çin olsun .

  Amma Daş Salahlı kəndinə də deyən gərək ,ay binəvalar heç üç ildi Qazax rayonunun mərkəzi xəstəxanası yoxdur .Onun haqqında düşünən,deyən  varmı ki,ay cənab O.Şirəliyev bu boyda rayonun niyə mərkəzi xəstəxanası yoxdur? Əgər  təzəni tikə bilməyəcəkdinizsə ,kimin sözünə baxıb, heç bir eybi olmayan mərkəzi xəstəxananı sökdürdünüz? Sökdürdünüz bəs yerinə təzəsini niyə tikdirmirsiniz?Bütün bunlara baxmayaraq,bir ildə  Qazax rayon səhiyyə şöbəsi tərəfindən 2015-ci il ərzində  bir milyona yaxın müxtəlif adlarla ,müxtəlif təşkilatlara vəsait köşürülüb,nəqdləşərək,talan olunub.Heç bunu soruşan yoxdur ki,mərkəzi xəstəxanası olmayan bir şöbədən bu qədər vəsait hara xərclənib?Bu qədər vəsaitdən Daş Salahlı kənd xəstəxanasının təmirinə də bir az pul ayırsanız günahmı etmiş olardınız deyən yoxdur.

Mövzuya qayıdacağıq.

Qarşı tərəfin fikrini də dərc etməyə hazırıq.

                                                                                                   Neymət Novruzlu.