Gəncədə yeniyetmə qızın intihar etdiyi məlim olub-Əvvəl dərs kitablarını, sonra isə özünü 7-ci mərtəbədən atıb
- Tarix: 10-iyun-2021, 13:09 - Bölmə: Manşet - Baxış sayı: 29

Gəncə şəhər Yeni Gəncə yaşayış massivində yerləşən 9 mərtəbəli binanın 7-ci mərtəbəsindən yıxıldığı deyilən gənc qızın intihar etdiyi məlum olub.

Məlumata görə, aparılan araşdırmalar nəticəsində dünən axşam saatlarında yaşadığı binanın 7-ci mərtəbəsindən yıxıldığı bildirilən 2004-cü il təvəllüdlü Şəms Eşqin qızı Hüseynovanın intihar etdiyi məlum olub.

Baş vermiş hadisə ilə bağlı Gəncə şəhər Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi açılıb.

Qeyd edək ki, gənc qız ağır halda Gəncə şəhər Təcili Tibbi Yardım Xəstəxanasına yerləşdirilib. Lakin onun həyatını xilas etmək mümkün olmayıb.

Hadisə baş verən ərazidə yaşayanların bildirdiyinə görə, intihar edən qız 11-ci sinif şagirdi olub. O, dərs kitablarını da pəncərədən atıb.

APA-nın yerli bürosunun  ilkin məlumatına görə, hadisəyə səbəb yeniyetmənin  imtahandan kəsilməsi olub.

Faktla bağlı Gəncə şəhər Prokurorluğunda araşdırmalar davam etdirilir/Report.


Oxşar xəbərlər