Respublikanın Prezidenti İlham Əliyev "Əhalinin sosial rifahının yaxşılaşdırılması sahəsində tədbirlərin davam etdirilməsi haqqında" Sərəncam imzalayıb.
Sərəncama əsasən, minimum aylıq əməkhaqqı yanvar ayının 1-dən etibarən 400 manat məbləğində təyin edilir.
Nazirlər Kabineti isə əmək pensiyasının minimum məbləğinin bu ilin fevral ayının 1-dən etibarən 320 manata çatdırılmasına dair təkliflərini bir ay müddətində, sosial müavinətlərin və təqaüdlərin məbləğlərinin artırılması ilə bağlı təkliflərini isə 3 ay müddətində Azərbaycan Respublikasının Prezidentinə təqdim etməlidir.
