Uzun illər Tələbə Qəbulu üzrə Dövlət Komissiyasının (TQDK) sədri, hazırda Dövlət İmtahan Mərkəzinin ( DİM ) Direktorlar Şurasının sədri olan Məleykə Abbaszadə barəsində yazmaq üçün, məncə, biraz uzaqdan başlamaq lazımdır.
Ötən əsrin 90-cı illərində Prezident Aparatının rəhbəri cənab Ramiz Mehdiyev Azərbaycan təhsilinə, mədəniyyətinə, səhiyyəsinə və s elə "minalar” basırıb ki, hələ uzun illər bir cəmiyyət olaraq minaları təmizləməklə məşğul olmalıyıq.
Öncə onu qeyd edək ki, Ramiz müəllimlə bizim şəxsi müstəvidə hansısa problemimiz yoxdur.
Ancaq Ramiz Mehdiyevin konkret dəstəyi ilə Prezident Aparatında Humanitar şöbənin müdiri işləyən Fatma Abdullazadə və onun rəfiqəsi, TQDK sədri olan Məleykə Abbaszadə Azərbaycan mədəniyyətinə, təhsilənə sağalmaz yaralar vurublar və hər iki sahədə rüşvətxorluq və korrupsiya halları baş alıb gedib.
Məsələn, Fatma Abdullazadə "Əməkdar artist”, "Xalq artisti”, "İncəsənət xadimi” və s adlarını 5-10 minə verirdi. Hətta bu barədə millət vəkili, tanınmış sənətçi Zeynəb Xanlarova Milli Məclisin tribunasından haray saldı.
Bəli, Fatma Abdullazadənin qardaşı, xristian dininin qəbul edən və adını dəyişən Eldar –Edik hazırda Fransada Fatmanın, daha doğrusu, Ramiz Mehditevin biznesini idarə edir.
Fatma Abdullazadənin Be ynəlxalq Banka 100 min dollar borcu var idi. Onun axırı nə oldu..?
Niyə bu adamlar həbs olunmur, dövlətə dəyən ziyan ödənilmir..?
Yeri gəlmişkən, rüşvətxor məmurlardan biri də Bakı Slavyan Universitetinin sabiq rektoru, Fatma Abdullazadənin "podruqası” Nurlana Əliyevadır.
Ümumiyyətlə, Ramiz Mehdiyevin yaratdığı Fatma-Nurlana-Məleykə triosu Azərbaycana dəhşətli zərbələr vurublar. Və bunların bu günədək cəzasız qalması heç bir məntiqə sığmır.
İndi isə keçək DİM sədri Məleykə Abbaszadənin məsələsinə.
Keçmiş səhiyyə naziri Əli İnsanovun siyasi tərəfini bir kənara qoyaq və onun səsləndirdiyi bir fikrə nəzər salaq:
Tibb Universitetinə qəbul olmaq üçün TQDK rüşvətin qarşılığında 12 bal toplayan məzunun nəticəsinin qarşısına 6 ( 6-12 ) yazmaqla xeyli məzunu ATU-ya tələbə ediblər.
Bax, ona görə də bu gün səhiyyəmiz "çiçəklənir”, ölkədə bir normal həkim tapmaq müşkülə çevrilib.
Bəli, bu heç kimə sirr deyil ki, TQDK uzun illər rüşvət və korrupsiya yuvası olub.
Çoxları sadəlövhcəsinə düşünür ki, məzunlar hamısı kompüterdə imtahan verir, hansı rüşvətdən söhbət gedə bilər..?
Bəli, yadınıza salmaq istəyirəm ki, bir neçə il əvvəl TQDK-nın bunkerindəki sualların satılmasına görə xeyli sayda əməkdaş həbs olundu..?
Guya bunu TQDK sədri Məleykə Abbaszadə bilmirdi..?
Məleykə Abbbaszadə bu gün Azərbaycanda ən varlı məmurlardan biridir.
Çoxları hələ də TQDK-da nələr baş verdiyini anlaya bilmir.
Biz TQDK-nın bunkerində baş verən gizli əməllər barədə çox dərinə getmək istəmirik.
Amma bu bunkerin hesabına Məleykə və onun kimilər yüz milyonlar qazanıb.
TQDK-nın mətbuat katibi, xaricdə gizlənən sabiqlərdən olan Elnur Nağızadə ilə bağlı baş verənlərin axırı nə oldu..?
Elnur Nağızadə ali məktəblərə qəbul adı ilə 150 min dollar rüşvət almışdı. Və xaricdən bəyan etmişdi ki, pulu Məleykəyə verib. Sonra cinayət işi açıldı. Bəs axırı nə oldu..?
Əlbəttə, o zaman Ramiz Mehdiyev buna imkan vermədi.
Bəs axı bu gün Ramiz Mehdiyev PA-nın rəhbəri deyil.
Bəs bu gün Məleykə Abbaszadəni kim müdafiə edir..?
İndi isə Məleykə Abbaszadənin başqa fəaliyyətinə nəzər salaq.
Məlumdur ki, bir neçə ildir ki, TQDK Dövlət İmtahan Mərkəzinə çevrilib.
Yəni artıq DİM təkcə tələbə qəbulu ilə deyil, həm də dövlət qulluğuna qəbul üzrə məsul qurumdur.
Bəli, kimsə birbaşa dövlət qulluğuna işə düzələ bilməz.
Bunun üçün nazirlik, komitə, yaxud dövlət agentliyi boş olan yerlərlə bağlı DİM-ə məlumat verir.
DİM isə həmin yerlərə müsabiqə əsasında qəbul elan edir. Və kimlər müsabiqədən keçirsə, dövlət qulluğuna işə düzəlirlər.
Amma son illər, bizə daxil olan məlumata görə, Məleykə Abbaszadə, daha doğrusu, DİM müsabiqələri formal keçirir və dövlət qurumları ilə sövdələşərək, saxta qəbullar keçirirlər. Və yüz minlər qazanırlar.
Bunu biz biliriksə, guya dövlət qurumları bilmir..?
Bir daha deyirk ki, dövlət qulluğuna qəbul məsələsi Məleykə kimilər üçün əsl biznesə çevrilib.
Qarşı tərəfin mövqeyini dərc etməyə hazırıq. //gundelik-baku.com//
Azərbaycanda ən varlı məmurlardan biri DİM ( TQDK) rəhbəri Məleykə Abbaszadədir… TQDK-nın bunkerində nələr baş verir...?
