Türkiyədə martın 31-də İstanbulda keçirilən bələdiyyə seçkilərində ortaya çıxan nəticələrlə bağlı qalmaqal davam edir.
Yüksək Seçki Qurumu CHP-nin namizədi Ekrem İmamoğlunun qələbə qazandığını açıqlasa da, hakim AKP hələ heç nəyin bitmədiyini açıqlayıb.
AKP sədr müavini Əli İhsan Yavuz bu gün keçirdiyi mətbuat konfransında seçkiləri ölkənin demokratiya tariximizin ən böyük qüsurlarından biri adlandırıb.
"İstanbulda vəziyyət göründüyü kimi deyil”, - Yavuz bildirib.
Türkiyənin "Haber7” saytı İstanbulda keçirilən seçkilərdə yol verilən ən böyük saxtakarlıqları konkret faktlarla göstərib. Dərc edilən fotoqrafiklərə görə, bəzi seçki məntəqələrində səslər tamamilə CHP-nin namizədinin lehinə yazılıb.
Ən biabırçı vəziyyətlərdən biri isə AKP-nin İstanbul üzrə namizədi Binəli Yıldırımın səs verdiyi məntəqədə ortaya çıxıb. Binəli Yıldırım səsverməyə həyat yoldaşı ilə gəlsə də, sonra protokolda ona yalnız bir nəfərin səs verdiyi qeyd edilib/Publika.az.
