Redaksiyamıza Azərbaycan Texnologiya Universitetinin (ATU) sabiq kafedra müdiri, texnika elmləri doktoru professor Cahangir Hacıyevin cənab prezidentə, təhsil nazirinə və universitetin rektoruna ünvanladığı müraciətlərin surəti daxil olub. 5-6 səhifəlik müraciətlərdə professor tədrisdəki rüsvayçılıqlardan tutmuş, ATU-də kök salmış FETÖ şəbəkəsi də daxil olmaqla müxtəlif qanunazidd faktlar sadalayır. Hər biri bir araşdırma predmeti olan bu faktlara aidiyyatı dövlət qurumlarının susqunluğu isə şübhə dolu suallar doğurur...
Ömrünün 33 ilini bu universitetdə elmə, təhsilə həsr etmiş, respublikada trikotajın texnologiyası üzrə yeganə texnika elmləri doktoru, professor olan Cahangir müəllim müraciətində şəxsən qaşılaşdığı haqsızlıqdan, qanunsuz olaraq vəzifədən və universitetdən kənarlaşdırılmasından da bəhs edir. Müraciətdə həmçinin Ulu Öndər Heydər Əliyevə qarşı sayqısızlıq faktları da yer alır... Bütün bu özbaşınalıqların başında duran şəxslər kimi isə daha çox universitetin rektoru Akif Süleymanov və tədris işləri üzrə prorektor Vüqar İsmayılovun adları hallanır.
Onu da qeyd edim ki, Cahangir müəllimin bizim redaksiyamızı seçməsinin bir səbəbi də xeberinfo.com-da son zamanlar politoloq Rövşən Novruzoğlunun FETÖ şəbəkəsinin Azərbaycanla bağlantısından yazmasıdır. Bu yazılarda müəllif FETÖ-çuların ölkəmizdə kök atmış təhsil müəssisələri sırasında Azərbaycan Texnologiya Universitetinin də adını sıralamışdır... (Yeri gəlmişkən, Rövşən Novruzoğlunun Azərbaycan Texnologiya Universiteti və Azərbaycan Dövlət Aqrar Universitetində kök atmış FETÖ şəbəkəsindən bəhs edən kitabı Türkiyədə çapa hazırlanır.)
"Texnoloji” mənimsəmə
Qeyd etdiyimiz kimi, hörmətli professorun cənab prezident İlham Əliyevə ünvanladığı müraciət kifayət qədər geniş olmaqla bərabər, saysız faktlarla da zəngindir. Biz aktuallığını nəzərə alıb, qarşıdakı günlərdə hər bir detalı araşdırmaqla mövzunu davam etdirəcəyik.
Hələlik isə ATU-də mənimsəmə faktları ilə bağlı... Cahangir müəllim qeyd edir ki, 13 mart 2013-cü ildə rektor təyin edilən Akif Süleymanovun mənimsəmə faktları cəmi iki ildən sonra məlum olur. Belə ki, Maliyyə Nazirliyinin 2015-ci ilin fevralında ATU-də apardığı yoxlamalarla külli miqdarda maliyyə fırıldaqları (İfadə professora məxsusdur. Red.) aşkarlanır. Bu isə Baş prokuror yanında Korrupsiyaya Qaşı Mübarizə Baş İdarəsində istintaq araşdırmasına səbəb olmuşdur: Universitetin 400-dən çox əməkdaş və tələbəsinin izhatı alınıb. Professor yazır ki, hazırda isə bu işə Gəncə Ağır Cinayətlər Məhkəməsində baxılır...
2015-ci ilin 6 avqustunda işə başlayan nurçulardan ibarət komanda rektorun 223 saylı əmri ilə özlərinə 2000-3000 manat əməkhaqqı yazdırırlar(?) Bunlardan 4-ünün isə aylıq 10 min amant əlavə əməkhaqqı aldığı qeyd olunur. Professor qeyd edir ki, bu məbləğə 2014-cü ildə rəhbəri olduğu kafedrada bir laboratoriya qurulub. Prorektor Vüqar İsmayılovun səyi nəticəsində universitetin 100-dən çox tədris-köməkçi heyəti işdən kənarlaşdırılıb. Yerlərinə isə özlərinə yaxın yeni "kadr”lar gətirilib.
Müraciətdə yer alan daha bir fakt: "Akif Süleymanovun gətirdiyi "kadr”lar təmir-tikintidə üzr istəyirəm, məsələn iki tualetdən birinin təmirinə 37 min, digərinin tikintisinə isə 48 min manat xərcləməklə (hələ işləmir) əsas qazanmaq istiqamətlərini bəlli ediblər. Onlar universitetə lazım oldu-olmadı əlaqədar təşkilatlara müasir avadanlıq və ya ləvazimat almaq adı altında dəyərindən çox böyük pullar köçürürlər. Prorektor Vüqar İsmayılov rektora istədiyi sənədi imzalatmağı bacarır.
"İşlərinin” rahat getməsi üçün A.Süleymanov və onun yeni komandası universitetin özlərinə "etibarlı” saydıqları əməkdaşlarına 100-250 manat miqdarında əlavə əməkhaqqı verməklə, kollektivi "bizimkilər” və "başqaları” kateqoriyalarına bölüblər. Mükafatlandırılanlar sırasında onlardan " nümunəvi tərbiyə” sərgiləyən porektor Vüqar İsmayılaovun işlə bağlı göndərdiyi 4 müəllimə " gedib zavodda sülənib gəldilər” və ya " əl danasından öküz olmaz” dediyi 4 dekan müavinindən 2-si, sonra bu deyimə etiraz edən bir dosent, təhqirlərə rəğmən, ona təzim etdikləri üçün " yararlı” sayılıblar. Onlar yalnış fikir və fəaliyyatlərinə azca narazılıq bildirənləri tahqir və təhdid etməkdədirlər”.
***
"Universitetin girişinə qoyduqları turniket kartı üçün 4 noyabr 2016-cı il tarixində 2000-dən çox tələbə və 250-dən çox müəllim və texniki işçilərin hər birindən 5-10 manat pul yığıldı, bunu bilən Gəncə Şəhərə İcra Hakmiyyətinin nümayəndələri yığılan təxminən 17 min manatın geri qaytarılmasına nail oldular. Bu fakt internet səhifələrində geniş ək-səda doğurdu. Cənab nazir 13 noyabrda rektoru Bakıya çağırdı. Gözlənilmədən pul yığılmasının təşkilatçıları yox, təlim-tərbiyə işləri üzrə prorektor istefa verdi. Rektor Akif Süleymanov, Vüqar İsmayılov və Piri Axundov 2015-2016-cı tədris ilində ümumiyyətlə təhsil haqqını ödəməyən və il boyu dərsə gəlməyən magistr Əhmədova Leylanı niyə vaxtında universitetdən xaric etmədilər və deyilməyən dərslərə görə müəllimlərə hansı haqla maaş veriblər?
Qarşıdakı günlərdə aşağıdakı sualları araşdırmaqla mövzunu davam etdirəcəyik.
1. 2015-ci ilin avqustun 6-da hörmətli rektor Qafqaz Universitetinin 10-dan çox gənc yetirmələrini ATU-də hansı vəzifələrə və hansı seçimlə təyin edib?
2. Prorektor Vüqar İsmayılov başda olmaqla ATU-də FETÖ şəbəkəsinin formalaşması ilə bağlı professor Cahangir Hacıyevin iddiaları nə dərəcədə realdır?
3. ATU-də məşhur olan "Vaxt qılınc kimidir: biz onu kəsməsək, o bizi kəsər” şüarı hansı mənbə və maraqdan qaynaqlanır?
4. ATU-nin Türkiyənin Orta Doğu Texniki Universiteti, Yıldırım Bəyazid Universiteti, Hacettepe Universiteti, Bilkənd Universiteti, Yıldız Texniki Universiteti, Gürcustanın Beynəlxalq Qara Dəniz Universiteti və Bakıdakı keçmiş Qafqaz Universiteti ilə əməkdaşlıqları hansı maraqlar üzərində formalaşıb?
5. Prorektor Vüqar İsmayılovun 5 dekabr 2016-cı ildə Heydər Əliyev Muzeyində özünə təmtəraqlı ad günü keçirməsi və fb-də paylaşımlar həqiqətdirmi?
6. 21 sentyabr 2015-ci il ümumi iclasda və həmən ilin 5 oktyabrında Ulu Öndər haqqında sənədli filmin nümayişi zamanı Vüqar İsmayılov və tərəfdarları tərəfindən Ulu Öndərə sayqısızlıqla bağlı iddialar gerçəkdirmi? Bəs 8 oktyabr 2015-ci ildə və həmən ilin 14 noyabrında Heydər Əliyev Mərkəzində dövlət himninə qarşı hansısa sayqısızlıq olubmu?
7. ATU-də qeyri-ixtisas müəllimlərinin tədrisə cəlb olunması ilə bağlı məlumatlar var. Məsələn, 1016-1017-ci tədris ilində "Trikotajın texnologiyası” ixtisas fənlərinin ayaqqabı, toxucu və s. qeyri-ixtisas müəlimlərinin tədris etdiyi haqqında məlumat var. Bundan başqa M481a magistr qrupunun 16.06.2016-cı il tarixdə "Trikotajın keyfiyyətinin texnoloji təminatı” fənnindən keçirilən imtahanın cavabını necə, qeyri-ixtisas müəllimlər yoxlamayıbmı? "Dizayn” ixtisasının "Erqonomika” fənnindən 294-cü rus qrupuna Fədail müəllimin tədris etməsi necə,...? Və s.
8. Professor Cahangir Hacıyevin ATU-dən kənarlaşdırılması hansı səbəblərdən qaynaqlanır və nə dərəcədə qanunauyğundur?
Texnologiya Universitetində “texnoloji yeniliklər”: - professor “od püskürür”
