Azərbaycanda ilk dəfə olaraq ümumrespublika jurnalistlərin İl Sonu Karnavalı keçiriləcək.
Shafaqadogru.com xəbər verir ki, karnaval ölkədə fəaliyyət göstərən jurnalistlərin yaratdığı "Mətbuat Qeyri-Rəsmi” Jurnalist Klubu tərəfindən təşkil olunur.
Dekabrın 22-də Bakıda keçiriləcək tədbirə ölkədəki bütün aparıcı mətbuat orqanlarında çalışan, o cümlədən müstəqil jurnalistlərin, qonaq qismində isə ictimai xadimlərin, deputatların qatılacağı gözlənilir. Karnavalda 200-ə qədər jurnalistin iştirakı nəzərdə tutulub. Tədbirdə məqsədin jurnalistlərin sərbəst və qeyri-adi formada il sonu bayramını təşkil etməkdir.
