Hindistanda 55 yaşlı yerli sakin Reha Kalbeliya 17-ci övladını dünyaya gətirib.
Lent.az saytı xarici mediaya istinadla yazıb ki, əvvəllər doğulan uşaqlardan yalnız 11-i sağ qalıb, onlardan beşi artıq ailə qurub. Ailə metal tullantıları toplayaraq dolanır və hələ də evsizdir.
Dövlət proqramı çərçivəsində ona ev ayrılıb, lakin bürokratik çətinliklər və torpağa mülkiyyət sübutlarının olmaması səbəbindən qadın həmin evi ala bilmir. Rehanın həyat yoldaşı Kavra etiraf edib ki, uşaqları dolandırmaq üçün illik 20 faizlə sələmçilərdən borc götürüb və bu günədək borclarını qaytara bilməyib.
Cahdol Tibb Mərkəzindən ginekoloq Roşan Daranqi bildirib ki, doğuş zamanı ailə uşaqların sayını gizlədib və bunun dördüncü doğuş olduğunu göstərib. Ailə uşaqlarının heç birinə təhsil verə bilməyib və hələ də özləri düzəltdikləri daxmada yaşayırlar.
