Şəfəqə Doğru » Gündəm » Daş Salahlı kəndinin mavi qaz problemi nəhayə ki həll olundu.

Daş Salahlı kəndinin mavi qaz problemi nəhayə ki həll olundu.

Daş Salahlı kəndinin mavi qaz problemi nəhayə ki həll olundu.

                                          

         Uzun illərdir ki, on mindən çox sakini, üç minə yaxın təsərrüfatı olan, Qazax rayonun Daş Salahlı kəndi mavi qaz problemi ilə üz-üzə qalmışdı.Bu respublikada 3-4 ən böyük kəndlərdən biri olan kəndin, əvvəllər iki tərəfdən magistral qaz xəttindən giriş xətti  vardı.Ölkəmizdə bir neçə il qazın olmadığı zamanlar kəndin bir tərəfindən  magistral xəttə qoşulmuş iki yüz mm-lik iki min altı yüz (2600) metr uzunluğunda boru xətti Qazax Qaz istismar idarəsi tərəfindən hansı səbəbdənsə, sökülüb götürülmüşdü. Kəndin digər tərəfindən yüz altmış mm-lik xəttdən gələn mavi  qaz isə 2500 abonenti olan Daş Salahlı kəndinin ehtiyacını ödəmirdi.

    Son iki ildə Qazax rayonuna İHB-sı təyin olunmuş Rəcəb Babaşov kənd əhalisinin müraciətinə    müsbət reaksiya verərək ,aidiyyatı qurumlara ardıcıl  müraciətlər etməklə, əvvəlki  xəttin yenilənməsinə nail oldu.

     Artıq bir aya yaxındır ki , Şəmkir Regional Qaz istismar idarəsinin  rəisi Osman Beybudovun və baş mühəndis Qənimət Səmədovun təşəbbüsü ilə, eləcə də ,Qazax Xİdmət Sahəsi  üzrə müavini İlkin Nəsibovun gərgin çalışqanlığı  sayəsində Daş Salahlı kəndinə 200 mm-lik qaz borusu ilə mavi qazla təmin olundu.Çoxdanki arzusuna qovuşan kənd əhalisi,başda Azrəriqazın rəhbərliyi olmaqla,bu işdə zəhməti olanların hamsına öz dərin minnətdarlığıni bildirir.

     Kənd camaatının indi yeganə ən böyük problemi yollarının asfaltlanmasıdır ki, onu da rayonun İHB-sı cənab Rəcəb Babaşov 2019-cu ilin əvvəlində çəkilişinə başlanacağına söz verib.

                                                                                                           Neymət Novruzlu.