Azərbaycan Dövlət Mədəniyyət və İncəsənət Universiteti (ADMİU) nəzdində Humanitar Kollecin direktoru Nərmin Qaralovanın tələbəni təhqir etməsi iddiası ilə bağlı sosial şəbəkələrdə yayılan məlumatlarla əlaqədar olaraq Təhsil Nazirliyində araşdırmalara başlanılıb.
Report-a istinadən yayılan xəbərdə bildirilir ki, nazirlikdə bu istiqamətdə araşdırma işləri davam etdirilir.
Araşdırmalardan sonra ictimaiyyətə məlumat veriləcək.
Qeyd edək ki, sosial şəbəkələrdə yayılan videoda distant formada keçirilən imtahan zamanı ADMİU nəzdində Humanitar Kollecin direktoru Nərmin Qaralova xanım tələbəni "bizə şamtutan lazım deyil" deyərək xoşagəlməz ifadə ilə təqdim edib. Sözügedən imtahan videosunun linkini aşağıda təqdim edirik:
https://www.youtube.com/watch?v=sxb1pwXsZYQ
