Ermənistanın Xilasetmə Xidmətinə yeni rəhbər təyin olunmuş direktor Kamo Sutsulyanın qanunsuzluğu ortaya çıxıb.
Bu barədə “Shafaqadogru.com “Hetq.am”a istinadən xəbər verir.
Qeyd edilir ki, Xilasetmə xidmətinə yeni təyin olunmuş direktor biznes üzrə deklarasiyasını gizlədib.
“2022-ci il dekabrın 16-da parlament “Hökumətin strukturu və fəaliyyəti haqqında” qanuna və bununla bağlı qanunlara əlavə və dəyişikliklərin edilməsi ilə bağlı layihələr paketi qəbul edib. Qanuna əsasən polis, xilasetmə xidməti, Miqrasiya və Vətəndaşlıq Xidmətinin daxil olduğu Daxili İşlər Nazirliyi yaradılıb.
Yeni yaradılan nazirliyin rəhbərliyinin nümayəndələri yeni kadrlar deyillər, həmişə güc strukturlarında və ya digər idarələrdə yüksək vəzifələr tutublar, yüksək vəzifəli məmurlar kimi əmlak və gəlir bəyannaməsi veriblər. Xilasetmə Xidmətinin yeni təyin olunmuş direktoru, əvvəllər polis rəisinin müavini vəzifəsini tutmuş Kamo Stsulyandır.
Baş nazir 2023 yanvarın 9-da Kamo Sutsulyanı Xilasetmə Xidmətinin direktoru - daxili işlər nazirinin müavini təyin edib.
K.Sutsulyan sonuncu dəfə 2021-ci ildə polis rəisinin müavini kimi əmlak və gəlir bəyannaməsini təqdim edib, bu, illik bəyannaməydi.
O, Tavuş vilayətində 6 ədəd daşınmaz əmlakının olduğunu açıqlayıb. 2013-cü ildə ona İcevanda miras qalan müştərək mənzili, 2014-cü ildə miras qalan Açacur kəndində yaşayış evini, müvafiq olaraq 2014 və 2019-cu illərdə aldığı biri İcevanda, digəri Qandzakar kəndində olmaqla 2 torpaq sahəsi barədə bəyannamə təqdim edib. O, İcevandakı torpaq sahəsini 2021-ci ilin sonunda həyat yoldaşına verib.
Nəşrin məlumatına görə, Qandzakar kəndində ictimai ev, 2019-cu ildə alınıb. İcevanda 2017-ci ildə miras qalmış ictimai ev də ona məxsusdur.
Xilasetmə Xidmətinin direktoru 2021-ci ildə 14 milyon dram və 27 min ABŞ dolları nağd pul, o cümlədən 8,4 milyon dram maaş açıqlayıb.
Lakin o, nəqliyyat vasitələrini, qiymətli kağızları, bank depozitlərini və dəyəri dörd milyon dramdan çox olan qiymətli əmlak barədə bəyannaməni təqdim etməyib.
Kamo Sutsulyanın həyat yoldaşı Aşken Marqaryan 2021-ci ildə aldığı “Toyota Camry” avtomobilini, ərinin bağışladığı torpaq sahəsini, 2 milyon dram nağd pul, habelə Aşken Marqaryanın direktor vəzifəsi tutduğu “Kentsaxspasarkum” MMC-dən 1 milyon 152 min dram maaş aldığını bəyan edib.
Nəşr qeyd edib ki, Kamo Sutsulyan “Kentsaxspasarkum” MMC-nin 67 faizinə sahibdir: “Qeyd edək ki, Xilasetmə Xidmətinə yeni təyin olunmuş direktor biznesdəki payını gizlədib və açıqlamayıb. Dövlət Gəlirləri Komitəsindən verilən məlumata görə, bu şirkət daşınmaz əmlak bazarında fəaliyyət göstərir.
Paşinyanın 8 gün əvvəl təyin etdiyi məmurun qanunsuzluğu aşkarlanıb
