Avropa İttifaqı Şurasının prezidenti Şarl Mişel üzv ölkələrin liderlərini Rusiya Mərkəzi Bankının dondurulmuş 300 milyard dollarının Ukraynanın bərpası üçün istifadəsinə dair danışıqları davam etdirməyə çağırıb.
Bu barədə “Financial Times” məlumat yayıb.
Nəşr yazır ki, Şarl Mişel aktivlərdən istifadə ideyasını öyrənməyi təklif edir. Onun fikrincə, aktivlərin Kiyevə göndərilməsi ədalət məsələsidir və hüquqi prinsiplərə uyğun həll olunmalıdır.
Qeyd edək ki, Aİ Rusiyanın Ukraynadakı müharibəsi ilə əlaqədar 2022-ci ilin noyabrında Rusiya Mərkəzi Bankının 300 milyard avroluq ehtiyatını bloklayıb.
