ABŞ və Hindistan müdafiə, kosmik, telekommunikasiya və elektronika sahəsində əməkdaşlıq quracaq. Bu bəyanat Hindistanın baş nazirinin milli təhlükəsizlik üzrə müşaviri Ajit Doval ilə ABŞ prezidentinin müşaviri Ceyk Sallivan arasında keçirilən görüşdən sonra verilib.
Hindistanın Xarici İşlər Nazirliyi bildirib ki, Amerika Hindistanda döyüş təyyarələri üçün reaktiv mühərriklərin istehsalı üçün General Electric tərəfindən verilmiş lisenziya üçün müraciətə baxmağa söz verib.
Vaşinqton Hindistanda yarımkeçirici istehsalının inkişafını dəstəkləyib və bu istiqamətdə birgə müəssisələrin yaradılmasını alqışlayıb.
ABŞ prezidenti Co Baydenin administrasiyası bu cür əməkdaşlığın hər iki ölkənin bu sahələrdə Çinlə rəqabət aparmasına kömək edəcəyini planlaşdırır.
Xatırladaq ki, bir neçə il əvvəl Trampın dövründə Amerika ilə Çin arasında ticarət müharibəsi başlamışdı.
