İki gün öncə bu barədə yazmışdıq ki, Ağstafada kənd bələdiyyələrinin nəzdindəki torpaqların imkanlı şəxslərə, üstəgəl, real dəyərindən aşağı qiymətlərlə satıldığa dair iddialar var. Adının açıqlanmasını istəməyən mənbənin iddialarına görə, bələdiyyələrin bu mübhəm torpaq satışı rayonun icra hakimiyyətində işləyən, müəyyən vəzifə sahibləri və kəndlərin bələdiyyə sədrlərinin sıx "işbirliyi" nəticəsində reallaşmaqdadır. Sözügedən vazifə sahiblərinin arasında isə adı ən çox hallandırılan icra hakimiyyəti başçısının müavini Müşfiq Hüseynovdur. Bildirilir ki, qanunla kənd bələdiyyələrinin nəzdində olan bəzi örüş sahələri 1 hektarı 5-6 azn qiymətinə sənədləşdirilsə də, rayonda yaşayan imkanlı şəxslərə (el arasında "oliqarxlar" adlandırılırlar) 200-300 azn arasında bir qiymətlə satılır.
Araşdırmamız nəticəsində əldə etdiyimiz məlumatlara görə, torpağı alanlar, yəni icarədarlar da öz növbələrində həmin örüş yerlərini 1 hektarı (400) dörd yüz manat dəyərində olmaqla başqa adamlara əkin əkmək üçün satıblar. Həmin ərazilərdə günəbaxan ,taxıl ,bostan ,kartof və digər bitkilər əkmişlər. Bu hallar torpaq qanunvericiliyinə görə, qanuna ziddir hallardır, hətta cinayətdir deyə bilərik. Çünki, həmin sahələrdə nadir bitkilərdən olan yovşan otları ,ulğunluqlar vardır ki , artıq onları çoxunu əkib və yerində istədikləri şeyləri bitiriblər.
İddialara görə, icarədarlar tərəfindən yaradılan başqa bir problem də rayonda su qıtlığına səbəbiyyət vermələri və rayonda su bölgüsünün ədalətsiz bölünməsinə şərait yaratmalarıdır. Ərazidə yaşayan kənd camaatının dediyinə görə, suyu pulu çox olan icarədarlara baha qiymətə satırlar . Kənd camaatı isə qanunu əkməli, suvarmalı olduqları ərazilər üçün su ala bilmirlər. Nəticədə narazılıq yaranır. Kəndlərdəki əhali isə buna görə, etiraz edir. Lakin , bu etirazlara və şikayətlərə baxacaq rayon rəhbərliyi isə öz etdiklərini bildiyindən o şikayət və etirazlara baxmırlar. Örüş yerlərini ucuz qiymətə alıb baha qiymətə satdığı iddia olunan icarədarlardan bir neçəsinin adları redaksiyamıza təqdim edilib.
1. Kosalar kənd sakini Cəmil adında şəxs 300 hektarı 400 manatdan əkin altına satıb.Həmin sahə ulğunludan ibarət idi.Ulğunluq məhv edilib deyə mənbə bildirir.Həmin yerdə redaksiyamız tərəfindən çəkiliş aparılıb.Əlimizdə fakt var.
2. Kürün o tayında Qızıl ulğun deylən sahə yenə soyadını bilmədiyimiz Dürdanə adında imkanlı bir xanıma 350 hektar hektarı 400 manatdan icarəyə verilmişdir.
3. Marksofkanın icra nümayəndəsi Musa adında birisinə 150 hektar verilib .Kürün qırağında kartof əkib.
4. Kəmallədin köhnə sovxoz direktoru 400 manatdan 30 hektar satıb .
5. Saloğlu bəllədiyəsi 30 hektar örüş yerini 300 manatdan satıb,əlimizdə foto və video çəkilişi var.
6. Muğanlıda toyuq fermasının 40 hektar örüş yeri əkin altına satılıb.
7. Qarabağlı İbrahim qoyunçuluq sovxozunun 22 hektar yeri 300 manatdan satılıb deyə adının çəkilməsini istəməyən mənbə bildirir.
Bütün bunlar haqqında təfsilatı ilə məlumata sahib olan şəxs isə,Agstafa rayon icra hakimiyyətində hal-hazırda özünün dediyinə görə ,iqtisadiyat üzrə məsləhətci işləyən və öncələr torpaq şöbəsinin müdiri işləmiş Rizvan Mustafayevdir. Bu gündə həmin işlərin ölçü-biçisini və icra hakimiyyəti ilə bələdiyələr və icarədarlarla olan alış –verişlərini yoluna qoyan adam məhs Rizvan Mustafayevdir.
"ŞəfəqəDoğru" redaksiyası olaraq, mövzu ilə bağlı iddiaları və bu günə qədərki araşdırmalarımızla əldə etdiyimiz məlumatları oxucularımıza çatdırmağı vəzifə borcu hesab edirik. Bununla bərabər, ümid edirik ki, aidiyyatı qurumlar məsələni araşdırarlar və iddiaların nə dərəcədə doğru olub-olmadığını dəqiqləşdirmək üçün redaksiyamıza da kömək etmiş olarlar.
Araşdırmamız davam edir.
İddialarla bağlı adı çəkilən şəxslərin fikirlərini dinləməyə və dərc etməyə hazırıq.
Neymət Novruzlu.
