Yutuba hücum edən Nasim Ağdam adlı qadın ABŞ və dünya mətbuatında, sosial şəbəkələrdə gündəmə çevrilib.
Shafaqadogru.com axar.az-a istinadən xəbər verir ki, qadının Yutuba hücumu ilə bağlı müxtəlif fərziyələr irəli sürülür.
Peter İmanuelsen adlı İsveç jurnalistı Nasim Ağdamın hücumunun arxasında iki motivin dayandığını hesab edir:
"Əsl hadisə: Qadın Yutub binasında sevgilisini güllələyib. Aktual hadisə: iranlı qadın, ictimai fəal, Peta blogeri kütləyə atəş açıb”.
Bir çox versiyalar arasında ən çox hallanan isə qadının Yutubdan videolarının silinməsi və bunun qisası olaraq şirkətə hücum etməsidir.
Digər iddia isə araşdırmaçı jurnalist Laura Lumerdən gəlib: "Tələsin və hər şeyin görüntüsünü qeyd edin! O, cihadçıdır və bunu ört-basdır etmək istəyirlər”.
Nasim Ağdamın sosial şəbəkə hesablarının da eyni zamanda silinməsi barədə xəbərlər yayılır. Onun İnstaqram hesabında diqqət çəkən bəzi məqamlar var. Nasim Ağdam İnstaqram paylaşdığı şəkillərdən birinin altında İran ordusunda xidmət etməsi ilə öyünüb. Digər paylaşımında isə ABŞ-dakı söz azadlığını təndiq edib və bu sualları ünvanlayıb:
"Söz azadlığına dair nə düşünürsən və həqiqətən də söz azadlığı Qərb ölkələrində var? ABŞ-ın İrandan yaxşı olduğunu düşünürsən, yoxsa İranın ABŞ-dan?"
ABŞ-da 3 nəfəri öldürən azərbaycanlı haqda –
