Şəfəqə Doğru » Manşet » Türkiyədə zəlzələdə xəsarət alanlar müalicə üçün Bakıya gətirildi

Türkiyədə zəlzələdə xəsarət alanlar müalicə üçün Bakıya gətirildi

Türkiyədə zəlzələdə xəsarət alanlar müalicə üçün Bakıya gətirildi

Bu ilin fevral ayının 10-da Türkiyədən Azərbaycana gətirilən vatandaşlar arasından 10 uşaq və 12 böyük, ümumilikdə 6 ailə tibb müəssisəsinə gətirilib.

Shafaqadogru.com xəbər verir ki, bunu Səhiyyə Nazirliyinin Səhiyyənin təşkili şöbəsinin sektor müdiri Aynurə Zeynalova jurnalistlərə açıqlamasında bildirib.

Onun sözlərinə görə, gələn 10 uşaqdan 6-sı oğlan, 4-ü isə qızdır: "Ən kiçiyi 8 günlük, ən böyüyü 14 yaşındadır. Xəstəxanaya daxil olan şəxslər dərhal onlar üçün ayrılan palatalara yerləşdirilib, hər tərəfli laborator-instrumental müayinələr başlanılıb və bu gün artıq müayinələr bitmək üzrədir".

Nazirlik rəsmisi qeyd edib ki, müayinələr bitdikdən sonra uşaqlar valideynləri ilə birgə Əmək və Əhalinin Sosial Müdafiəsi Nazirliyinin tabeliyində olan sığınacağa göndəriləcəklər".