Bu gün Qazax rayon Daş Salahlı kənd sakini Pənahov Vəli Furidin oğlu tərəfindən redaksiyamıza müraciət daxil olub.
Vətəndaş öz müraciətində bildirir:
Hörmətli redaktor,
Yazıb bildirirəm ki, dünən, 19.07.2023 tarixində qızım Aynur Pənahovanın adına qeydiyyatda olan, 2.0 l mühərrik həcmlı, "Fort Fusion" marka-model minik avtomobilini mənim adıma qeydiyyata aldırmaq üçün, Azərbaycan Respublikası Daxili İşlər Nazirliyi BDYPİ-nin Tovuz RQİ və TBŞ-nə müraciət etdim. Avtomobilin mənim adıma sənədləşdirilməsi üçün, həmin adı çəkilən idarənin beşinci otağında yekun sənədi sənədləşdirərkən məndən (280) iki yüz səksən manat pul tələb etdilər. Tələb üzərinə mən həmin məbləği ödədim. Bundan daha əvvəl isə 3-cü otaqda mənə on bir manat ödətmişdilər. Yəni, avtomobilin mənim adıma sənədləşdirilməsi üçün, məndən cəmi (291) iki yüz doxsan bir manat pul aldılar. Mən eyni məqsədlə həmin idarədə olan bir neçə nəfərdən də soruşaraq maraqlandım. Onlar bildirdilər ki, idarədə sənədləşmə üçün hamısına 250-300 azn civarında pul ödətdirilib. Daha sonra isə öz həmkəndlim, jurnalist Neymət Novruzovla rastlaşdım o da həmin idarədə öz avtomobilini sənədləşdirib çıxırdı . Ondan da nə qədər ödədiyini soruşdum o, 127 manat ödədiyini bildirdi .Belə çıxır ki, o jurnalist olduğuna görə, artıq pul ala bilməmişlər. Məni və digərlərini aldadaraq 2 və 3 dəfə baha qiymətinə sənədləşdirmişlər. Odur ki , sizdən xahiş edirəm adı çəkilən idərənin başıma gətirilənləri qəzetiniz vasitəsi ilə ictimailəşdirəsiniz.
Tarix :20.07.2023.
Qeyd:
Bir vətəndaş və həm də, bir mətbuat işçisi olaraq bildirməliyəm ki, həmin gün mən də sözügedən idarədə idim və həmin hadisənin şahidi oldum. Orada mənə də "sənin avtomobilinin sənədləşməsi 250 manat edir, ancaq biz sizin KİV nümayəndəsi olduğunuzu nəzərə alaraq avtomobilinizi 127 manata sənədləşdiririk" dedilər.
Çox maraqlıdır. Necə ola bilər ki , mənim avtomobilim 127 manat digərləri isə 250-300 manat civarında sənədləşdirirlir.
Qarşı tərəfi dinləməyə və dərc etməyə hazırıq.
