Məsələ ilə bağlı Kult.az-a danışan müğənni bildirib ki, onun bu məsələyə heç bir aidiyyəti yoxdur.
G.Məmmədova bildirib ki, yazılanlardan məlumatı var:
"Yazılanların heç bir əsası yoxdur. Bu səbəbdən bu barədə danışmağa dəyməz”.
Müğənni Musavat.com-a açıqlamasında isə obyekt aldığını təsdiqləyib:
"Cavanşir Feyziyev bizim qohumumuzdur. Ona görə də jurnalistlər bu məsələdə bağlılıq axtarır. Hamı əmlak ala bilər, bəli, mən də əmlak almışam, amma özüm almışam və obyekt mənim adıma olub. Bu çoxdan olub-bitmiş məsələdir, kimsə qurdalayıb, ortalığa çıxardır. Məsləhət görürəm ki, açıb-ağardılmasın. Ümumiyyətlə, son vaxtlar sənətinə hörmət edən şəxslər barəsində başqa söhbətlər, məlumatlar dərc edirlər. İnsanlar boş qalmır. Müğənnilərdən nə istəyirlər?”
Müğənni "Quska” ləqəbli Hüseyn Abdullayevi tanımadığını da bildirdi: "Hüseyn kimdir? Mən ümumiyyətlə onu tanımıram”.
Xatırladaq ki, deputat Cavanşir Feyziyev sabiq deputat Hüseyn Abdullayevin milyonlarla dəyəri olan əmlakını alıb. Hüseyn Abdullayevin obyekti deputat Cavanşir Feyziyevin adamlarının iştirakı ilə 3 nəfərin adına sənədləşdirilib.
3 nəfərdən birinin müğənni Gülyaz Məmmədova olduğu bildirilir. Digər iki nəfər isə Sücəddin Kərimov və Yelizaveta Əlizadə adlı şəxslərdir.
