Bütöv Azərbaycan Xalq Cəbhəsi Partiyasının sədr müavini, tanınmış QHT sədri, ictimai fəal Niyaməddin Orduxanlı təhsil naziri Ceyhun Bayramova müraciət ünvanlayıb.
Shafaqadogru.com xəbər verir ki, o, minlərlə insanın dərs ilinin iyun ayının 15-də başa çatması ilə bağlı Təhsil Nazirliyinin qərarından narazı qaldığını deyib:
"Sosial şəbəkələrdə yüzlərlə, minlərlə insanın dərslərin iyun ayının 15-ə qədər davam etməsi ilə bağlı verilən qərardan narazıdır. 30 dərəcə istidə körpə uşaqları, şagirdləri yandırırlar. Kimə lazımdır bu? Bu vəziyyətdə hansı kefiyyətli təhsildən danışmaq olar?! Hər gün 6-7-8-9 yaşlı uşaqların bu istidə qan-tərin içində məktəbdən çıxdıqlarının şahidi oluruq”.
"30 dərəcə istidə körpə uşaqları, şagirdləri yandırırlar" - Nazirə müraciət
