Bu günlərdə redaksiyamıza Qazax rayon Daş Salahlı kənd sakini Allahquluyev Anar Hüseyin oğlu tərəfindən müraciət daxil olub. Vətəndaş müraciətində bildirir ki, atası Allahquluyev Hüseyin Rusiyada yaşayır və orada işləyir. "Atam Hüseyin 2007-ci ildə yaxın dostu Bakı şəhər Yasamal rayon Şərifzadə küçəsi ev 241.mənzil 11 də yaşayan, Alıyev Tahir Abduləli oglunun adına Abşeron rayon Hökməli bələdiyəsindən 03,11.2007 ci- il tarixli, 07 saylı qərarı ilə Hökməli qəsəbəsinin torpaq sahəsindən ,0,05 ha torpaq sahəsi fərdi yaşayış evi inşa etmək etmək üçün,torpaq sahəsi satın almışdır. Torpaq sahəsinin mənə satılması üçün ,Azərbaycan respublikası dövlət torpaq və xəritəçəkmə komitəsinin Abşeron rayon şöbəsinin 07.11.2007-ci tarixli rəyi alınmışdır. Torpaq sahəsinin sxematik planı çəkilmiş və yerində ölçülərək, bizə təhvil verilmişdir. Bir neçə il sonra atam ev tikdirmək üçün,Rusiyadan gəlib. Lakin bu vaxt aşkar edildi ki, bizə aid olan torpaq ərazidə Bakı şəhəri Yasamal rayonu Şərifzadə küçəsi ev 66,mənzil 27 -də yaşayan, Əliyev Nihad Mayıl oğlunun adına yanacaq doldurma məntəqəsi tikilib və artıq bir neçə ildir ki, orada fəaliyyət göstərir. Bu barədə Abşeron rayon prokurorluğuna daha sonra isə, Abşeron rayon məhkəməsinə müraciəət etdik.
Cavabdeh Əliyev Nihada verilmiş hüquqların dövlət qeydiyatı haqqında daşınmaz əmlakın Dövlət reysterindən çıxarış ilə Abşeron rayonu, Hökməli qəsəbəsində kənd təsərrüfatı təyinatlı torpaqdan 0,1166 ha torpaq sahəsi Əliyev Nihad Mayıl oğlunun adına xususi mülkiyyət kimi , qeydiyyatdan keçmişdir. Tikinti təyinatı olmayan torpaq sahəsində yanacaqdoldurma məntəqəsi tikmiş, mənim də sahəmi qanunsuz zəbt etmişdir"- deyə iddiaçı bildirir.
Nəhayət Abşeron rayon Məhkəməsinə 06.07.2021-ci il tarixində sözügedən torpaq ərazinin boşaldılmasına dair ərizəmizə Abşeron rayon məhkəməsinin hakimi Əhmədov Habil Yunus oğlunun sədrliyi ilə 19.10.2021-ci ildə 2(012)-44 90(2021 -№ li işə baxılacağı barədə qərar qəbul edildi
Yuxarıda göstərilənlərə əsasən və Mülki Prosessual Məcəllənin 97-103,263,264,267 və 268-ci maddələrini rəhbər tutaraq, məhkəmə
QƏRARA ALDI
-iddiaçı Alıyev Tahir Abduləli oğlu cavabdeh Əliyev Nihad Mayıl oğluna qarşı tikintinin sökülməsi ,torpaq sahəsinin boşaldılması və təhvil verilməsi tələbinə dair mülki iş üzrə məhkəmə tikinti- texniki ekspertizası təyin edilsin .
-ekspertizanın aparılması Azərbaycan Respublikası Ədliyyə Nazirliyinin Məhkəmə Ekspertizası Mərkəzinə həvalə edilsin.
Ekspertlərin qarşısında aşağıdakı sual qoyulsun:
1.Abşeron rayonu Hökməli Bələdiyəsinin 05.11.2007-ci il tarixli 07 saylı qərarı əsasında cavabeh Alıyev Tahir Abduləli oğluna satılmış Abşeron rayonu Hökməli qəsəbəsi ünvanında yerləşən 0.05 ha torpaq sahəsinin plan və ölçü faktiki yerləşdiyi torpaq sahəsinin yerində (naturada) ölçüləri ilə üst –üstə düşürmü? Əgər düşmürsə hansı həcimdə koordinatlardan kənardır?
2. Abşeron rayonu Hökməli Bələdiyyəsinin 05.11.2007-ci il tarixli 07 saylı qərarı əsasında cavabdeh Alıyev Tahir Abduləli oğluna satılmış Abşeron rayonu Hökməli qəsəbəsi ünvanında yerləşən 0.05 ha torpaq sahəsi ilə Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reysteri Xidməti Hüquqların Dövlət qeydiyyatı haqqında daşınmaz əmlakın Dövlət reystrindən 05.07.2014-cü il tarixli RX seriyası 0439111 saylı çıxarışa əsasən Əliyev Nihad Mayıl oğlunun mülkiyyətində olan Abşeron rayon Hökməli qəsəbəsi ünvanında yerləşən 0.1066 ha torpaq sahəsinin ölçüsü yerində (naturada) üst-üstə düşürmü? Əgər düşürsə hansı ölçüdədir?
Ekspertiza aparılarkən, iş üçün əhəmiyyətli olan, haqqında sual qoyulmayan halların müəyyən edilməsi və bu barədə mülahizələrini öz rəyinə daxil etmək vəzifəsi ekspertlərin öhdəsinə buraxılsın.
Ekspertə bilə-bilə yalan rəy vermsinə görə, Azərbaycan Respublikası Cinayət Məcəlləsinin 287 –ci maddəsində nəzərdə tutulan cinayyət məsuliyyəti barədə xəbərdarlıq edilsin .
2.(012)-4490/2021 saylı mülki iş ekspertə göndərilsin.
6.Ekspertizanın aparılma müddəti 1 ay müəyyən edilsin.
7.Rəy alınanadək mülki iş üzrə icraat dayandırılsın.
8.Qərarların dayandırılmasına dair hissəsindən 10 gün müddətinə Abşeron rayon Məhkəməsinə şikayət verilə bilər.
"Lakin, Abşeron rayon Məhkəməsinin Hakimi Habil Əhmədovun sədirliyi ilə verilən qərarın bir ay vaxt qoyulmasına rəğmən, artıq 3 aydır hələ də, kağız üzərində qaldığının şahidi oluruq.Qərarda göstərilən və adı çəkilən başda Ali məhkəmənin Ekspertiza İdarəsi olmaqla, qərarda göstərilən digər ekspertlərin heç biri bu qərara məhəl qoymayaraq, bu günə qədər bir iş görməyib. Və cavabdeh tərəfindən işin icra olunması isə dayandırılmayıb. İddiaçının bildirdiyinə görə, dəfələrlə məhkəməyə müraiciət etsək də, işin icra olunması üçün,bizdən umacaqları olduğuna görə,heç bir iş görmədiklərini düşünürük. Əgər belə deyilsə, adı çəkilən ekspertlər niyə işlərini icra etmir? Və məhkəmənin hakimi Habil Əhmədov bu işin icrası üçün niyə əlindən gələni etmir"
İddiaçı Allahquluyev Anar bildirir ki, bir neçə gün əvvəl Abşeron rayon məhkəməsinin müavini Kiçikbəyov soyadlı şəxs ona zəng edərək "cavabdeh tərəfin çörəyini kəsməyin, ora onların çörək pulu yeridir" deyərək, ərizəni geri götürməsini xahiş edib . "Bu özlüyündə o deməkdir ki, biz düşüncəmizdə haqlıyıq ki, məhkəmənin cavabdehlər tərəfində olduğu danılmazdır"-deyə o bildirir.
Məsələnin ictimailəşməsiylə iddiaçı ümid edir ki, aidiyyatı qurumlar bu məsələnin çözülməsində ona yardımçı olacaqlar.
Redaksiyamız qarşı tərəfi də dinləməyə və fikirlərini dərc etməyə hazırdir .
Neymət Novruzlu.
