"Ermənistanla İran arasında hərbi sahədə bütün qərarlara hörmətlə yanaşıram".
"Armenian News" xəbər verir ki, bunu İranın Ermənistandakı fövqəladə və səlahiyyətli səfiri Abbas Bədəxşan Zohuri fevralın 9-da “Ermənistan-İran münasibətləri ortaq maraqlar kontekstində” mövzusunda müzakirə zamanı deyib.
Onun fikrincə, qəbul edilən və ya edilən istənilən qərar və ya hərəkət məntiq çərçivəsindədir.
“Ermənistanın müdafiə naziri nəsə səsləndirməli olsaydı, bunu edərdi. Eyni şey İran rəsmilərinin açıqlamalarına da aiddir. Başqa dalğaların yaranmasına imkan verməmək üçün müdafiə qurumları rəhbərlərinin dediklərindən artıq danışmaq istəmirəm. Hərbi sahə ilə bağlı mətbuatda məlumatların dərci Ermənistan və İranın maraqlarından irəli gəlmir. Tələsməyin, tarix hər şeyə toxunacaq”, – deyə səfir vurulayıb.
O, əmin edib ki, Tehran sərhəd hadisələrinin inkişafını diqqətlə izləyir, İran və Ermənistan bütün sahələrdə çox sıx əməkdaşlıq edir.
“Açıqlanmamalı olan məsələlər varsa, bunu etmək lazımdır. Media üçün bu maraqlı ola bilər və bəzi məsələlərə toxunsam, maraq arta bilər, amma yaxşı olar ki, mövcud olan məlumatlarla məhdudlaşaq. İranın regional məsələlərdə siyasətinə xələl gətirməmək vacibdir”, - deyə Abbas Bədəxşan Zohuri əlavə edib.
Diplomat Ermənistan və İranın getdiyi yola nikbinliyini ifadə edərək, başqalarına oyun meydançası yaratmağa imkan verməməyə çağırıb.
“Ermənistan və İranın müxtəlif bölgələrdəki düşmənləri fərqli vəziyyətlər yaratmaq və dövlət rəhbərliyinin diqqətini bu hadisələrə yönəltmək istəyirlər. Amma bu, maraqlarımızdan irəli gəlmir, biz belə vəziyyətlərin yaranmasına yol verə bilmərik”, - deyə İranın Ermənistandakı səfiri fikirlərini yekunlaşdırıb.
