Qırğızıstan prezidenti Sadır Japarov tabeliyində olanlara ona ad günü münasibətilə hədiyyə verməyi qadağan edib. Shafaqadogru.com xəbər verir ki, bu barədə yerli media məlumat yayıb.
Dünən Qırğızıstan prezidenti 55 yaşını qeyd edib.
“Prezident hamımıza hər hansı hədiyyələr, təqdimatlar və ya təriflər etməyi qadağan etdi. Fövqəladə təvazökar insandır. Üç il ərzində Japarov sübut etdi ki, xalqımız onu prezident seçməkdə yanılmayıb. Sadır Japarov kiminsə xoşuna gələ bilər, kiminsə xoşuna gəlməyə bilər, amma hamımız ona uğurlar arzulamalıyıq, çünki onun uğuru bütün xalqın və dövlətin uğurudur”, - deyə Nazirlər Kabinetinin sədr müavini Baysalov prezidentin qadağasına baxmayaraq onu tərifləyib.
