Rusiya qoşunları Baxmutun cənub-qərbinə doğru irəliləyib. Boqdanivka, İvanivsk və Klisçivka yaxınlığında mövqe döyüşləri davam edir.
Shafaqadogru.com xəbər verir ki, bu barədə ABŞ-nin Müharibə Araşdırmaları İnstitutu məlumat yayıb.
Ukrayna ordusu da Qorlivkanın şimal-qərbində itirilmiş mövqelərini bərpa edib. Ukrayna qüvvələri Qorlivkadan təxminən 3 km şimal-qərbdə hücuma keçərək bir neçə mövqeni tutub.
Avdiv şəhəri ətrafında şiddətli döyüşlər davam edir. Rusiya mənbələri Ukrayna hərbçilərinin cənub istiqamətində şəhər ətrafında hücuma keçdiklərini bildirir.
Rusiya qüvvələrinin Donetskin cənub-qərbinə hücumları nəticəsiz bitib. Həmçinin Donetskin qərbində Georgiyivka və vilayətin cənub-qərbində Pobeda və Novomixaylovka yaxınlığında mövqe döyüşləri gedir.
Bu və gündəmdəki bir çox xəbərləri bu gün saat 11.30-da aparıcı Sevinc Telmanqızının təqdimatındakı “Canlı debat” verilişində ReAL Partiyasının icra katibi Natiq Cəfərli ilə müzakirə edəcəyik. Müzakirədə tamaşaçılarımız da iştirak edə bilər.
