Paytaxtda qarın yağmasından istifadə edən bəzi taksi sürücüləri qiyməti 3-4 dəfəyə qədər artırıb. Shafaqadogru.com XezerXeber-ə istinadən xəbər verir ki, bu isə müştərilərin narazılığına səbəb olub. İşin maraqlı tərəfi odur ki, bu sahəyə cavabdeh olan qurum bu halla mübarizə aparmağın hələlik mümkün olmadığını deyir.
Bakıya yağan güclü qar səbəbi ilə bir çox şəxs avtomobilini yola çıxarmaq istəmədiyindən taksilərə təlabat artıb. Bəzi taksi sürücüləri isə bundan istifadə edərək qiymətləri 3-4 dəfə artırıblar. Taksi sürücüləri isə artımın özünəməxsus səbəbləri olduğunu bildirib.
Qiyməti artımı taksi şirkətləri tərəfindən də edilib. Süni qiymət artımı müştərilər tərəfindən birmənalı qarşılanmayıb.
Məsələ ilə bağlı Bəkı Nəqliyyat Agentliyinin sektor müdiri Mais Ağayev açıqlamasında bildirib ki, hazırda ölkədə Vahid qiymət tətbiq edilmədiyindən buna yol verən sürücüləri cəzalandırmaq mümkün deyil . Amma hazırda tətbiqi üçün iş aparılan vahid qiymət tarifi həyata keçirildikdən sonra sürücülərin, istəyə görə qiymət artırmasına icazə verilməyəcək.
