Bizimkilər niyə susurlar?

  Adı mediada mənfi mənada hallanan məmurlar niyə səssizliyə  qaçırlar?

  Haqlarında xəbər  yayılır,bəzən də (normal cəmiyyətlərdə) sensasiya sayılacaq dərəcədə.

 Birinin xaricdə mülkləri üzə çıxır, birinin övladının hansisa şəkildə skandalı aşkarlanır, bir  başqasının səs yazısı yazılır.

 Maaşlı işçi  olduğu halda  milyonları olan məmur var.
 Deputat vəsiqəsini qoyub borca pul götürən deputat gördük ikicə gün əvvəl.
 Restoranda dava salıb, sağa-sola təhdid yağdıran deputat haqqında yazılar  getdi bu ölkədə.
Hər  gün "xaricdən maliyyələşənlər" -in haqqında dil-boğaza  qoyulmadığı halda xaricə gedib orada biznes imperiyası yaradanlardan yazılır-sənədlər, faktlar  saçılır  ortalığa.

Birinin xanımının adına striptiz klub,digərinin oğlunun adına holding peyda  olur və daha  nələr.

  Gizlindən də olsa  inkişaf xatirinə, ən azı  geri  qalmamaq xatirinə izlədiyimiz -inkişaf  etmiş  ölkələrə baxsaq orada haqqında  hər  hansı sensasiyalı xəbər  çıxan- rüşvət , qanunsuz biznes, mənimsəmə və s bu kimi mövzularda adı  hallanan  bir  siyasətçi,millət  vəkili ,məmur olarsa  o dəqiqə ilk ağla  gələn  budur ən qısa  zamanda  sözügedən şəxs  çıxıb mətbuat  konfransı keçirəcək suallara  şəxsən və  birbaşa yayım önündə cavab verəcək, ictimaiyyəti  malumatlandıracaq.işin hüquqi araşdırılması bundan sonradır.

Bəs  bizdə?

 Yoxa  çıxırlar. Özlərinə  borc  bilmirlər. Özlərini qarşıısında qorunmalı olduğu yerin təkcə prezident aparatı olduğunu düşünürlər.Hesab veriləcək yerin ancaq oranı bilirlər. Xalq,ictimaiyyət,cəmiyyət, mətbuat qarşısında borc  anlayışı yoxdur bizimkilərdə. Adı hallandı, çıxsın bir mətbuat konfransı təşkil etsin ,hansı sual varsa cavablandırsın --belə bir  borc hiss etmirlər.
  - Adın qanunsuzluqda  hallanır, ellərə yayılır ey qafil, niyə çıxıb jurnalistlər önündə, mikrofon önündə danışmırsan, niyə haqlı olaraq ortaya axışan suallara  cavab vermirsən? Niyə demirsən ki, filan  xəbər yalandır, mən  etməmişəm?

 Rahatdırlar nədənsə, niyəsə.
 Sorğulayan olmayacaq deyədir bəlkə.
 Ya da  "onsuz da qoruyanım var" arxayınlığından.

Rüzgar