Azərbaycanda nazirlərin, komitə sədrlərinin və digər yüksək vəzifəlilərin aylıq maaşları ilə həyat tərzləri arasındakı fərqi hər kəs bilir
Özəlliklə neft milyonlarının ölkəyə axdığı ötən illər ərzində Azərbaycanın nazirləri ərəb şeyxlərinin həyat tərzini yaşamağa başlayıb.
Belə şəxslərdən biri də kənd təsərrüfatı naziri Heydər Əsədovdur. Vaxtilə, Hesablama Palatasının sədri olan Heydər Əsədov digər komanda üzvlərindən fərqli olaraq, öz sahəsinin peşəkarı kimi tanınırdı. Ancaq nəqliyyat naziri Ziya Məmmədovla quda olan və sonradan nazir təyinatı alan Heydər Əsədovun da adı korrupsiya qalmaqallarında hallanmağa başlayıb.
Gununsesi.info nazirin bu yaxınlarda yeni villa aldığnı öyrənib. Saytımızı bununla bağlı bilgiləndirən mənbə Heydər Əsədovun aldığı villanın fotosunu da təqdim edib. Bakının "Milyonerlər Məhəlləsi” adlanan məkanda olan villanı Heydər Əsədovun 6 milyona aldığı bildirilir.
Məlumatda qeyd olunur ki, artıq nazir Bakının Səbail rayonundakı ("Torqovı” adlandırılan-red) mənzilindən yeni villasına köç edib.
Yenicag.az qeyd edir ki, bu məlumat Heydər Əsədovla bağlı nə ilk, nə də son məlumatdır. Belə ki, hələ Hesablama Palatasının rəhbəri vəzifəsindəykən, əksər nazirlərin "kirli camaşırları”ndan xəbərdar olan Əsədov bunu kapitala çevirməyi bacarıb. Maraqlıdır ki, həmin dosyelər bu gün də Əsədovun Nazirlər Kabinetindəki əsas silahı sayılır.
HEYDƏR ƏSƏDOV NAZİRLƏR KABİNETİNİ NƏ İLƏ ŞANTAJEDİR?
