Fazil Mustafa: "Sosial ödənişlər üzrə borclar bağışlanmalıdır”
2020-ci il üçün dövlət büdcəsinin müzakirələrində deputat Fazil Mustafa tənqidi fikirlərini irəli sürüb. O deyib: " "Ötən büdcə müzakirələrində mən bir təklif verdim ki, ayrı- ayrılıqda büdcədə payı çox olan hökumət üzvləri ya komitə iclasında, ya da plenar iclaslarda öz büdcələrinin təsnifatına uyğun olaraq məlumat versinlər. Mən hesab edirəm ki, baş nazir də,maliyyə naziri də, Mərkəzi Bankın sədri də, Sahil Babayev də kifayət qədər hazırlıqlı insanlardır. Bu təklifləri müzakirə etmək lazımdır. Amma bizdə qəribə bir hal olur ki, hökümət üzvləri əvəzinə parlamentdən kimsə hökümətin əvəzinə çıxış edir və bizə irad bildirir ki, bu fikri bildirmək olmaz. Guya dünyada prezidentli ölkələrdə belə bir qayda yoxdur. Heç olmasa, gedin Türkiyənin , Fransanın büdcə müzakirələri proseduruna baxın. Və görün ki ayrı ayrı nazirlər müzakirədə iştirak edir. Burda məqsəd odur ki, bütün yük maliyyə nazirinin üzərinə düşmür, yəni hardasa 2- 3 nazirin üzərində olmur bu yük. Həm də bütün nazirlər Parlament qarşısında öz büdcə məsuliyyətini daha çox hiss edirlər, onunla bağlı informasiya verirlər”.
Büdcənin 38 faizinin də sosial xərclərə yönəlməsinin əslində büdcə siyasəti baxımdan müəyyən problemlər yaratdığını deyən Fazil Mustafa bunun məcburiyyətdən atılmış addım olduğunu da dedi. O təklif etdi ki, "bəzi məmurların günahıü üzündən” DSMF qarşısında borclu duruma düşmüş müəssələr var: "O müəssisələrin, xüsusilə də istehsalatla məşğul olanların borcları bağışlanmalıdır: "Bu borcları 5 il müddətinə dondurmaq lazımdır. Bir çox müəsisələr var ki, onlar bəzi məmurların ucbatından belə borc içindədirlər . Və onların bank hesabları bağlanmış vəziyyətdədur. Bunlar əsasən istehsalla məşğul olan müəssisələrdir. Bunların borclar bağışlanmalıdır ki, müəssisələır sağlam zəmində çalışma imkanı əldə edə bilsinlər. Bu çoxlu problemlər yaradır və iflic duruma aparır. Artıq başqa partnyorlarla müqavilə imzalaya bilmirlər. Toxuculuq və başqa sahələr var ki, borcun içindədirlər və ciddi narahatçlılq yaradır”.
Fazil Mustafa həmçinin deyib ki, hökümət dünyaya uşaq gətirən anaların mühafizəsi yolunda şıxış yolu tapmalıdır: "Onların kicik övladının sağlam böyüməsi üçün vacibdir. Burda söhbət uşaq pulundan getmir. Bu, ayrı bir mövzudur; bunun da yolu tapılmalıdır. Ən azı 6 yaşa qədər uşaqların sağlam böyüməsi üçü uşaq pulunu hər hansı bir formada verilməsinə də dövlət öz imkanları hesabına baxmalıdır. Biz qidaların bahalığı fonunda nə qədər ailələrin əziyyət çəkdiyini müraciətlərin çoxluğundan görürük”.
Gülnarə ƏMİRQIZI
Bizimyol.info
