Təxribatçılar Gəncəni də qarışdırmaq istəyirlər - Deputat Gəncə əhalisinə müraciət etdi

Deputat Naqif Həmzəyev sosial şəbəkələrdə aparılan təxribatlarla bağlı Gəncə əhalisinə müraciət edib.

Shafaqadogru.com  xəbər verir ki, deputat heç bir çağırışa uymamağa, Ali Baş Komandanın əmrini gözləməyə çağırış edib:

"Əziz Gəncəlilər! Təxribatçılar iş başındadır! Diqqətli olmalıyıq! Orduya dəstək adı ilə müxtəlif saxta profillər yaradılıb çağırışlar edilir. Xarici qüvvələr tərəfindən idarə olunan səhifələr və saytlar aktiv hərəkətə keçib. Dünən Bakıda uğursuz nəticələnən xaos arzularını Gəncədə gerçəkləşdirmək istəyirlər! Qətiyyən heç bir çağırışa uymayın ! Ali Baş Komandanın əmrini gözləyək!”