Sentyabrın 27-də “Laçın” dövlət sərhədinin buraxılış məntəqəsində Dövlət Sərhəd Xidmətinin hərbi qulluqçularının sayıqlığı nəticəsində ölkə ərazisinə qeyri-qanuni gələrək qondarma “Dağlıq Qarabağ Respublikasının Dövlət naziri” vəzifəsində çalışmış 1968-ci il təvəllüdlü Ruben Karleni Vardanyan Azərbaycan Respublikasından Ermənistan istiqamətində hərəkət edərkən saxlanılıb.
Bu barədə Demokrat.az-a Dövlət Sərhəd Xidmətinin Mətbuat Mərkəzindən məlumat verilib.
O, DSX-nin Çevik Hərəkət Qüvvələri əməkdaşlarının müşayiəti ilə Bakı şəhərinə gətirilib.
Saxlanılan şəxs barəsində müvafiq qərar qəbul edilməsi üçün aidiyyəti dövlət orqanlarına təhvil verilib.
***
14:04
Ruben Vardanyan Azərbaycanın xüsusi xidmət orqanları əməkdaşları tərəfindən saxlanılıb.
Shafaqadogru.com xəbər verir ki, bu barədə "Conflict" teleqram kanalı məlumat yayıb.
Ruben Vardanyanın Laçındakı sərhəd nəzarət-buraxılış məntəqəsindən keçmək istəyərkən tutulub.
Elmar Heydərli
Demokrat.az
SON DƏQİQƏ! Vardanyan Laçın postunda saxlanıldı — Bakıya gətirildi
