Bakının bir sıra alqı-satqı mərkəzlərində istehsal tarixi saxta olan un məmulatları satılır
Bu barədə Publika.az-ın "Poçt qutusu”na paytaxt sakinləri yazıblar.
Onların sözlərinə görə, bir sıra marketlərdə üzərinə "Dönər lavas” yazılmış un məmulatlarının istehsal tarixi saxtalaşdırılıb. Belə ki, dünən iyunun 7-də marketdən lavaş almış sakinlərdən biri məhsulun üzərində "istehsal tarixi”nin iyun 8-ə aid olduğunu görüb.
Halbuki dünən iyunun 7-i idi. Bütün bunlar onu göstərir ki, malın üzərindəki istehsal tarixi saxtalaşdırılıb.
