Aprelin 27-də səhər saatlarında Metropolitendə Polis Şöbəsinə
müraciət edən Bakı şəhər sakini Ə.Qurbanova "Koroğlu” stansiyasında
çantasından içərisində 111 manat pulu, tələbə bileti və digər sənədləri
olan pulqabısının oğurlandığını bildirib.
Daxili İşlər Nazirliyinin Mətbuat Xidmətindən yayılan məlumata görə, dərhal əməliyyat-axtarış tədbirlərinə başlayan polis əməkdaşları cinayəti törətməkdə şübhəli bilinən qadının qısa zamanda müəyyən edərək "isti izlər”lə saxlayıblar. Araşdırmalarla onun paytaxt sakini Vüsalə Zeynalzadə olduğu məlum olub.
Ətrafında aparılan əməliyyat tədbirləri ilə onun bir gün əvvəl metronun "N.Nərimanov” stansiyasında paytaxt sakini V.Eldarovanın içərisində 100 manatı, 2 ədəd yaddaş kartı və sənədləri olan pulqabısını oğurlaması da müəyyən edilib.
