Miri Qəmbərov əvəzlənir

“Azkontrakt”ın prezidenti Güləddin Dadaşov ola bilər

“Azkontrakt” Dövlət Koorperasiyasının prezidenti Miri Qəmbərov müavini Güləddin Dadaşovla əvəzlənir. JAM.AZ xəbər verir ki, bu barədə Faktinfo.az saytı məlumat yayıb.

Saytın yazdığına görə, yaşlanması, səhhəti ilə bağlı Miri Qəmbərov artıq işə gələ bilmir, onun yaşı 80-i ötüb. Bunu da təbii qəbul etmək lazımdır. Hətta, bəzən sənədlərin imzalanması ilə bağlı Miri Qəmbərovun evinə gedilir.

Həftələrlə işə gələ bilməyən Miri müəllim yerinə öz müavini Güləddin Dadaşovun təyin olunmasını yuxarı dairələrdən xahiş edib. Onun bu xahişinin qəbul olunub-olunmamasını isə zaman göstərəcək. Güləddin Dadaşovun təcrübəli və savadlı bir şəxs olduğu da bildirilir.

«Karvan»da sahibkarlar qan ağlayır

Ağamirzə Əhədov isə yerlərinin pulunu tələb edir

Bir müddət əvvəl iki dəfə yanan Sumqayıtdakı «Karvan» Ticarət Mərkəzində alverlə məşğul olan kiçik sahibkarlar çətin vəziyyətə düşüblər. JAM.AZ xəbər verir ki, mərkəzin rəhbəri Ağamirzə Əhədovun qoyduğu qaydalara uyğun olaraq alının yerpullarının miqdarı artırılıb. Əvəzində isə sahibkarlara verilən dükanların sahəsi azalıb.

Məlumatda qeyd edilir ki, manatın devalivasiyasından sonra vəziyyətləri daha da ağırlaşan kiçik iş adamları nə edəcəklərini bilmirlər. Onların bildirdiyinə görə, yanğından sonra sahibkarlara ticarətlə məşğul olmaq üçün 2,20 mX1,20 m ölçüdə dükanlar verilib. Hər bir dükanın aylıq icarə haqqısı isə 200-500 manat arasında dəyişir. Bu da dükanın yerindən asılı olaraq müəyyən edilmiş qiymətdir.

Məlumatda vurğulanır ki, sahibkarlar güzəşt tələb etsələr də, «Karvan»ın rəhbəri Ağamirzə Əhədov belə bir addım atmayacağını bəyan edib. Nəticədə, bir çoxları ziyana düşdükləri üçün ticarəti buraxaraq, çəkiliblər. « «Karvan» iki dəfə yananda mallarımız tələf oldu, ciddi ziyana düşdük. Bizim istəyimiz odur ki, bunu nəzərə alıb müəyyən müddət üçün bizə güzəşt tətbiq eləsinlər. Məsələn, yerpullarını azaltsınlar, dükanları qismən böyütsünlər. Amma bu təkliflərimizi kimə deyiriksə, əhəmiyyət verən olmur. Səbəbini də izah etmirlər. Görünür, daha çox pul qazanmaq üçün çalışırlar».

Bakıda güclü yanğın: ölən var

Bakının Yasamal rayonunda baş vermiş yanğın zamanı ölüm faktı qeydə alınıb. APA-nın məlumatına görə, yanğın başladıqda çayxananın işçisi 22 yaşlı Xanbabayev Şöhrət Әlövsət oğlu və digər bir nəfər içəridə olub.

Yanğından xilas olmağa çalışan 22 yaşlı gənc qapının şüşəsini sındıraraq bayıra çıxmaq istəyib. Bu zaman şüşə qırıqları onun ayaq damarlarını kәsib. Təcili tibbi yardım maşını ilә xəstəxanaya aparılan Şöhrət Xanbabayev qanitirmədən yolda dünyasını dəyişib.

Hadisə nəticəsində bir nəfər isə tüstüdən zəhərlənib.

FHN DYMX-nin Yanğınsöndürmə qərargahının rəisi Əkbər Novruzov jurnalistlәrә bildirib ki, çayxana 55, hüquq mәslәhәtxanası 155 kv.m. sahәdә yanıb. Yaxınlıqdakı market yanğından mühafizә olunub.

Nurçular pullarını hansı banklarla ölkədən çıxarıb?

AAAF Parkın «Yapı Kredi Bank Azərbaycan» və Azər-Türk Bank vasitəsi ilə müxtəlif əməliyyatlar həyata keçirdiyi üzə çıxıb

Ötən gün Azərbaycanda böyük layihələrdə iştirak edən, eyni zamanda adı nurçularla əlaqədə hallanan AAAF Park şirkəti ilə bağlı geniş məlumat vermişdik. Həmin məlumatlarda deyilirdi ki, şirkətin rəhbəri Tofiq Heydərov və onun müavini Rəşad Əliyevin Fətullah Gülən tərəfdarları ilə çox yaxın münasibətləri var. (daha&helliip;)

Zərifə Əliyevanın anadan olmasının 92-ci ildönümüdür

bitmap-img6

Bu gün görkəmli oftalmoloq alim, akademik Zərifə xanım Əliyevanın anadan olmasının 92-ci ildönümü tamam olur

Z.Əliyeva 1923-cü il aprelin 28-də Naxçıvan Muxtar Respublikasının Şərur rayonunda anadan olub.

1947-ci ildə N.Nərimanov adına Azərbaycan Dövlət Tibb İnstitutunu bitirib. Azərbaycan Elmi-Tədqiqat Oftalmologiya İnstitutunda elmi işçi, 1969-cu ildən isə Ə.Əliyev adına Azərbaycan Həkimləri Təkmilləşdirmə İnstitutunda göz xəstəlikləri kafedrasının dosenti, professor, görmə orqanlarının peşə patologiyası laboratoriyasının müdiri, oftalmologiya kafedrasının müdiri (1982-1985) vəzifələrində çalışıb .

Z.Əliyevanın Azərbaycanda oftalmologiya elminin inkişafında müstəsna xidmətləri var. O, vaxtilə Azərbaycanda geniş yayılmış traxomanın, dünya təcrübəsində birincilər sırasında peşə, xüsusilə kimya və elektron sənayelərində peşə fəaliyyəti ilə bağlı göz xəstəliklərinin öyrənilməsi, profilaktikası və müalicəsinə, habelə oftalmologiyanın müasir problemlərinə dair bir çox sanballı tədqiqatların, o cümlədən “Terapevtik oftalmologiya”, “İridodiaqnostikanın əsasları” kimi nadir elmi əsərlərin müəlliflərindən biri, 12 monoqrafiya, dərslik və dərs vəsaitinin, 150-yə yaxın elmi işin, 1 ixtira və 12 səmərələşdirici təklifin müəllifidir.
Z.Əliyeva yüksək ixtisaslı səhiyyə kadrları hazırlanmasına böyük əmək sərf edib.

Görkəmli dövlət xadimi Əziz Əliyevin qızı, Azərbaycan Respublikasının üçüncü Prezidenti Heydər Əliyevin həyat yoldaşı, prezident İlham Əliyevin anasıdır.

1985-ci il aprelin 15-də Moskva şəhərində vəfat edən Zərifə xanım Əliyevanın cənazəsi 1994-cü ildə Moskvanın Novo-Deviçye qəbiristanlığından Bakıya gətirilərək, Fəxri Xiyabanda, atasının qəbri yanında dəfn olunub.

Beynəlxalq Bank Rusiya rublu valyutasında depozitləri ləğv edib

bitmap-img6

Azərbaycan Beynəlxalq Bankı İdarə Heyətinin 17 aprel tarixli qərarına əsasən, aprelin 21-dən etibarən faizlərin ödənilməsi müddətinin sonunda nəzərdə tutulan əmanətlər ləğv edilib

PİA.AZ ABB-nin saytına istinadən xəbər verir ki, bu qərar “Uşaq” əmanəti və 12 ay müddətinə yerləşdirilən digər əmanətlərə şamil edilmir.

Həmin qərara görə, həmçinin Rusiya rublu valyutasında depozitlər (əmanətlər) ləğv edilib, 100 000 manat və ya digər valyutada onun ekvivalenti və yuxarı məbləğdə hər bir depozit əqdi üzrə yerləşdirilən əmanətlərə müəyyən olunmuş faiz dərəcəsinə 0,5%-in əlavə edilməsi qüvvədən düşüb, bununla yanaşı, “Qızıl depozit” və “Avans” əmanət növləri ləğv edilib.

Bankın yaydığı məlumata görə, aprelin 21-dən əvvəl bağlanmış, faizlərin ödənilməsi müddətin sonunda nəzərdə tutulan əmanət müqavilələri müqavilə müddəti başa çatanadək qüvvədə qalır. Həmin müqavilələrin müddəti bitdikdən sonra müvafiq əmanətlərə faizlər hesablanmır və müqavilələrə xitam verilir.

Həmçinin qərar qəbul edilən tarixindən əvvəl bağlanmış “Qızıl depozit”, “Avans” və Rusiya rublunda əmanət müqavilələri müqavilə müddəti başa çatanadək qüvvədə qalır. Həmin müqavilələrin müddəti bitdikdən sonra müvafiq əmanətlərə faizlər hesablanmır və müqavilələrə xitam verilir.

Bankın xəbərdarlığına görə, əmanət müqaviləsi müddəti başa çatmamış əmanətçi tərəfindən ləğv edilərsə, əmanət üzrə hesablanmış faizlər ödənilmir. Əvvəl hesablanmış və əmanətçi tərəfindən artıq alınmış faizlər əmanətin ümumi məbləğindən çıxılır.

Əgər müddət başa çatdıqdan sonra əmanətin məbləği əmanətçi tərəfindən tələb olunmayıbsa, müqavilə eyni müddətə uzadılmış hesab olunur, o şərtlə ki, bank müqavilənin müddətinin uzadılmasına razı olsun. Bank müqavilənin müddətinin uzadılmasına razı olmadıqda əmanətçinin əmanəti ona əvvəlcədən rəsmi xəbər verməklə geri qaytarılır.

Sarkisyan “soyqırım”a görə Putini alçaltdı

bitmap-img6

Ermənistanın aylardır hazırlaşdığı qondarma “erməni soyqırım” 100 illiyi ilə bağlı tədbir aprelin 24-ü baş tutsa, tədbirlərlə bağlı söz-söhbətlər hələ də səngimir

AzVision.az-ın Ermənistanın “Qraparaq” qəzetinə istinadən xəbər verir ki, tədbirdə iştirak etməsinə baxmayaraq “soyqırım” ifadəsini işlətməyən Rusiya prezidenti Vladimir Putin və erməni həmkarı Serj Sarkisyan arasında qarşıdurma yaşanıb.

Belə ki, erməni prezident Serj Sarkisyan Rusiya lideri Vladimir Putini ölkəsinə yola salmaqdan imtina edib.

“Bizə məlum olub ki, Fransa prezidenti Fransua Ollandı Serj Sarkisyan, Rusiya prezidenti Vladimir Putini erməni baş nazir Ovik Abramyan, Kipr prezidenti Nikos Anastasiadisi Ermənistanın iqtisadiyyat naziri Karen Çşmarityan, Serbiya prezidenti Tomislav Nikoliçi isə fövqəladə hallar və ərazilərin idarə olunması naziri Armen Eritsyan yola salıb”, – deyə erməni qəzeti vurğulayıb.

Nəşr xüsusilə vurğulayıb ki, Putin və Ollandı prezident Serj Sarkisyan qarşılasa da, yekunda Sarkisyan yalnız Fransa prezidentini yola salıb.

pia.az

İzlə

Hər yeni yazı üçün e-poçt qutunuza göndəriş alın.

Digər 32 izləyiciyə qoşulun